काठमाडौं । वित्तीय पहुँचका दृष्टिकोणले कर्णाली प्रदेश सबैभन्दा पछाडि देखिएको छ । अन्य प्रदेशको तुलनामा कर्णाली प्रदेशमा बैंक तथा फाइनान्स कम्पनीहरुको कम शाखा हुनुले पनि उक्त प्रदेशमा वित्तीय पहुँच कमजोर देखिएको हो ।
राष्ट्र बैंकका अनुसार कर्णाली प्रदेशमा बैंक तथा फाइनान्स कम्पनीहरुको चार सय ५५ वटा मात्र शाखाहरु सञ्चालनमा छन् । जब कि यस अवधिमा बागमती प्रदेशमा बैंक तथा फाइनान्स कम्पनीहरुको तीन हजार तीनवटा शाखाहरु सञ्चालनमा छन् ।
कर्णाली प्रदेशमा सञ्चालनमा रहेका २६ वटा वाणिज्य बैंकहरुको एक सय ९९ वटा शाखाहरु सञ्चालनमा छन् । विकास बैंक, फाइनान्स र लघुवित्त संस्थाहरुको भने कर्णालीमा क्रमशः २१, तीन र दुई सय ३२ वटा शाखाहरु सञ्चालनमा छन् । बागमती प्रदेशमा भने वाणिज्य बैंकहरुको १८ सय सात वटा शाखाहरु सञ्चालनमा छन् भने विकास बैंक, फाइनान्स र लघुवित्त संस्थाहरुको क्रमशः तीन सय २१, एक सय छ र सात सय ६९ वटा शाखाहरु सञ्चालनमा छन् । यद्यपि जनसंख्याको आकारमा कर्णाली प्रदेश सानो भए पनि त्यहाँको जनताको सुविधाका लागि भने उक्त शाखा संख्या कम रहेको राष्ट्र बैंककै अधिकारीहरु बताउँछन् । ठूलो भूगोल रहेको कारण छरिएर रहेका जनसंख्यालाई त्यहाँ रहेका बैंक तथा वित्तीय संस्थाका शाखाहरुले सहज रुपमा सेवा दिन सकिरहेका छैनन् ।
राष्ट्र बैंकका अनुसार प्रदेश नं १ मा भने बैंक तथा फाइनान्स कम्पनीहरुको कुल १८ सय ५७ वटा शाखाहरु सञ्चालनमा छन् । जसमध्ये वाणिज्य बैंकहरुको सात सय ६३, विकास बैंकहरुको एक सय ९४, फाइनान्स कम्पनीहरुको ३२ र लघुवित्त वित्तीय संस्थाहरुको नौ सय ८९ वटा शाखाहरु सञ्चालनमा छन् । गण्डकी प्रदेशमा पनि बैंक तथा फाइनान्स कम्पनीहरुको १४ सय १६ वटा शाखाहरु सञ्चालनमा छन् । जसमध्ये वाणिज्य बैंकहरुको पाँच सय ९९ वटा, विकास बैंकहरुको एक सय ९० वटा, फाइनान्स कम्पनीहरुको ३६ वटा र लघुवित्त वित्तीय संस्थाहरुको पाँच सय ९१ वटा शाखाहरु सञ्चालनमा छन् । लुम्बिनी प्रदेशमा भने बैंक तथा फाइनान्स कम्पनीहरुको २२ सय १२ वटा शाखाहरु सञ्चालनमा छन् । जसमध्ये वाणिज्य बैंकहरुको सात सय ४०, विकास बैंकहरुको दुई सय ५६, फाइनान्स कम्पनीहरुको ४५ र लघुवित्त वित्तीय संस्थाहरुको ११ सय ७० वटा शाखाहरु सञ्चालनमा छन् ।
राष्ट्र बैंकका अनुसार सुदूरपश्चिम प्रदेशमा भने बैंक तथा फाइनान्स कम्पनीहरुको कुल आठ सय ४० वटा शाखाहरु सञ्चालनमा छन् । जसमध्ये वाणिज्य बैंकहरुको तीन सय २९, विकास बैंकहरुको ५२, फाइनान्स कम्पनीहरुको छ र लघुवित्त वित्तीय संस्थाहरुको चार सय ५३ वटा शाखाहरु सञ्चालनमा छन् ।
क्याटेगोरी : समाचार
ताजा अपडेट
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
- ‘पूर्णबहादुरको सारङ्गी’ बन्यो सर्वाधिक कमाउने चलचित्र
- जनकपुरधामबाट अयोध्या तिलकमा २५१ जना जाने
- नारायणगढ–बुटवल सडक निर्माणमा भएको ढिलाइबारे प्रधानमन्त्रीको चासो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया