काठमाडौं । प्रेस काउन्सिलद्वारा जारी पत्रकार आचार संहिता (पहिलो संशोधन २०७६) को उजुरी तथा कारबाही सम्बन्धी व्यवस्थाअनुसार कुनै पनि सञ्चारमाध्यममा प्रकाशित समाचार चित्त नबुझे सोही मिडियामार्फत निःशुल्क खण्डन छाप्न सक्ने हुँदाहुँदै श्री लालीगुराँस बहुउद्देश्यीय सहकारी संस्थाका सीईओ तथा प्रमुख कार्यकारी निर्देशक सुरेन्द्र भण्डारीले अनैतिक रुपमा लाखौं रुपैया खर्चेर अन्य मिडियामार्फत खण्डन गरेका छन् ।
आर्थिक दैनिकमा प्रकाशित समाचारबाट अत्तालिएर भण्डारीले केही दिनअघि एक दैनिक पत्रिकामा लाखौँ खर्च गर्दै खण्डन प्रकाशित गराएका हुन् ।
समाचार प्रकाशन भएपछि बचतकर्ताहरुले आफ्नो रकम फिर्ता माग्न लाइन लागेपछि भण्डारीले यस्तो अनैतिक काम गर्नुपरेको उनी निकटस्थहरु बताउँछन् ।
विजयदशमीको पूर्वसन्ध्यामा सहकारीमा बचतकर्ताहरुले रकम फिर्ता माग्न थालेपछि सहकारीका सीईओ भण्डारी सम्पर्कविहीन बनेका थिए ।
उनले ललितपुरको भैँसेपाटी क्षेत्रका जग्गा जमिन बिक्री गरेर भाग्ने तयारी गरेको विषयमा आर्थिक दैनिकले खबर प्रकाशन गरेको थियो । समाचार गलत भए प्रकाशित समाचारलाई लिएर सम्बन्धित मिडिया मा नै निःशुल्क खण्डन छाप्न पाउने व्यवस्था हुँदाहुँदै उनले त्यसबाट आम जनताको ध्यान मोडेर जग्गा बिक्री गरी भाग्नकै लागि अन्य पत्रिकामा संस्थाको पैसा खर्च गराएर खण्डनलाई विज्ञापनको रुपमा प्रकाशित गरेका हुन् ।
समाचार प्रकाशन भएपछि विभिन्न व्यक्तिलाई फोन गर्दै सुरेन्द्रको धम्की
सहकारीको नाममा रहेको सम्पत्ति बिक्री गरेर भाग्न लागेको विषयमा समाचार प्रकाशन भएपछि सहकारीका प्रमुख कार्यकारी अधिकृत सुरेन्द्र भण्डारीले विभिन्न व्यक्तिलाई फोन गरेर धम्की दिन थालेका छन ।
‘सूचना किन चुहाइस् भनेर मलाई धम्की दिए । जग्गा जमिन बिक्री गरेको कुरा ललितपुरको सैँबु क्षेत्रमा सबैलाई थाहा छ,’ सहकारीकै ती सञ्चालकले भने, ‘सबैलाई शंकाको दृष्टिले धम्की दिने कार्य भइरहेको छ ।’
क्याटेगोरी : समाचार
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया