काठमाडौं । बैंकिङ कसुर मुद्दाका तीन जना फरार प्रतिवादीहरु पक्राउ परेका छन् । काठमाडौं उपत्यका अपराध अनुसन्धान कार्यालय (मिनभवन) का सुचना अधिकारी प्रहरी उपरीक्षक कृष्ण प्रसाद कोइरालाका अनुसार कास्कीको मादी गाउँपालिका ७ घर भई हाल काठमाडौंको चन्द्रागिरि नगरपालिका ६ बस्दै आएका ५८ वर्षीय नारायण भण्डारी, भारतको हरियाणा घर भई हाल काठमाडौंको भोटेबहाल बस्दै आएका ४४ वर्षीय शशी शर्मा र काठमाडौंको टोखा नगरपालिका ११ गोंगबु भण्डारी गाउँ स्थायी ठेगाना भएका ३४ वर्षीय रोशन भण्डारीलाई पक्राउ गरिएको हो ।
तीमध्ये नारायणलाई काठमाडौंको बालाजु चोकबाट बिहीबार, शर्मालाई काठमाडौंको सतुंगलबाट बिहीबार र रोशनलाई काठमाडौंको टोखाबाट बुधबार पक्राउ गरिएको हो । पक्राउ परेकामध्ये नारायण भण्डारीउपर उच्च अदालत पाटनको २०७९ असार २१ गतेको फैसलामा दुई लाख रुपैयाँ जरिवाना, एक दिन कैद र आठ हजार रुपैयाँ क्षतिपूर्ति भराउने फैसला भएको थियो । उक्त फैसलापश्चात् फरार रहेका नारायणलाई कार्यालयबाट खटिएको प्रहरी टोलीले बिहीबार बिहान अन्दाजी ११ बजे बालाजुचोकबाट पक्राउ प्रहरी उपरीक्षक कोइरालाको भनाइ छ । उनलाई सोही दिन ललितपुर जिल्ला अदालतमा पठाइएको छ ।
यसैगरी वादी नेपाल सरकार र प्रतिवादी भारत देश हरियाना राज्य भिवानी जिल्ला चर्खिदारी भई हाल काठमाडौंको भोटेबहाल बस्ने ४४ वर्षीय शर्मालाई २५ लाख रुपैयाँ बिगो भएको बैंकिङ कसुर मुद्दामा उच्च अदालत पाटनले २०७९ भदौ ७ गते पक्राउ अनुमति जारी गरेको प्रहरी उपरीक्षक कोइरालाको भनाइ छ । सो पश्चात् फरार रहेका शर्मालाई बिहीबार सतुंगलबाट पक्राउ गरी सोही दिन महानगरीय प्रहरी वृत्त बालाजुमा पठाइएको कोइरालाले जानकारी दिए ।
प्रहरी उपरीक्षक कोइरालाका अनुसार रोशनउपर भने बैंकिङ कसुर मुद्दामा उच्च अदालत पाटनबाट २०७९ असार १३ गते भएको फैसलामा पाँच लाख ५० हजार रुपैयाँ जरिवाना, चार दिन कैद र २२ हजार रुपैयाँ क्षतिपूर्ति शुल्क भराउने फैसला भएको थियो । सो पश्चात् फरार रहेका भण्डारीलाई गोंगबु भण्डारी गाउँबाट पक्राउ गरिएको उनले बताए ।
क्याटेगोरी : समाचार
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया