काठमाडौं । बीमा समितिले निर्वाचन आचारसंहिता मिचेर लघुबीमाको लाइसेन्स दिने भएको छ । सातवटा लघुबीमाको लाइसेन्स वितरणको लागि गत भदौ १० गते जारी सूचनाअनुसार गत असोज १३ गतेसम्म परेका ३१ वटा कम्पनीमध्ये सातवटा कम्पनी छनौट गर्न बीमा समितिका कार्यकारी निर्देशकको संयोजकत्वमा कानुन विभागका निर्देशक दिनेशलाल कर्णसहितको टोली बनाएर यही असोज २३ गतेदेखि नै काम जारी छ । शनिबार समेत मूल्याङ्कन समितिको बैठक बसेर मूल्याङ्कनको काम भइरहेको स्रोतले जानकारी दियो ।
स्रोतका अनुसार बीमा समितिले यही कात्तिक ४ गते सूचना प्रकाशित गरी सात जना प्रस्ताव ल्याउने कम्पनीलाई लघुबीमाको लाइसेन्स लिन बोलाउने तयारी पूरा गरिसकेको छ । बीमा समितिका कार्यकारी निर्देशक राजुरमण पौडेलले नयाँ कम्पनीलाई लाइसेन्स वितरण गर्न कम्पनीको छनौटको काम भइरहेको स्वीकार गरे ।
‘कम्पनीहरुको मूल्यांकन गर्ने काम भइरहेको छ, यही कात्तिक ४ गतेभित्र लघुबीमाको लाइसेन्स वितरण गरिसक्छौँ’, पौडेलले भने । आगामी मंसिर ४ गते हुन गइरहेको आम निर्वाचनका कारण निर्वाचन आचारसंहिता लागू भएको अवस्थामा लघुबीमाको लाइसेन्स दिनलागेको बारेमा जिज्ञासा राख्दा बीमा समितिका अध्यक्ष सूर्य प्रसाद सिलवालले भने यस विषयमा थाहा नभएको बताए ।
लघुबीमाको लाइसेन्स वितरण गर्ने कार्य निर्वाचन ऐन २०७९ विपरीत रहेको छ । निर्वाचन ऐन २०७३ को परिच्छेद ४ दफा २२ मा नेपाल सरकार, प्रदेश सरकार, स्थानीय तहअन्तर्गतका सरकारी तथा गैरसरकारी निकायहरुलाई निर्वाचन आचारसंहिता लागू हुने उल्लेख छ । बीमा समिति बीमा ऐन २०४९ बमोजिम संगठित संस्था हो । जुन अर्थ मन्त्रालय मातहत छ ।
बीमा समितिले निर्वाचन आचारसंहिताविपरीत कार्य भएको सम्बन्धमा निर्वाचन आयोगमा उजुरी परेको भए पनि कुनै छानबिन नभएको गैरकानुनी कार्यले प्रश्रय पाइरहेको बीमित हित संरक्षण मञ्चका महासचिव बलराम श्रेष्ठले बताए ।
क्याटेगोरी : समाचार
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया