बैंकहरूको आन्तरिक खर्च नै बढी
सुरेश राउत २०७९, कात्तिक ४ १०:४१ 
काठमाडौं । बैंक तथा फाइनान्स कम्पनीहरुको कारोबार दायित्व बढेसँगै पछिल्लो समय खर्च पनि उच्चरुपमा बढेको छ । नेपाल राष्ट्र बैंकका अनुसार चालू आर्थिक वर्षको पहिलो महिनामा सञ्चालन रहेका २६ वटा वाणिज्य बैंक, क्षेत्रीय तथा राष्ट्रियस्तरका समेत गरी १७ वटा विकास बैंक र १७ वटा फाइनान्ससहितका ६० वटा संस्थाहरुले सात अर्ब ३४ करोड ४० लाख रुपैयाँ खर्च गरेका छन् । उक्त खर्चमध्ये कर्मचारीहरुको तलब भत्तामा चार अर्ब ४६ करोड ६० लाख र कार्यालय व्यवस्थापन शीर्षकमा दुई अर्ब ८७ करोड ८० लाख रुपैयाँ खर्च गरेका छन् ।
राष्ट्र बैंकका अनुसार यो खर्च गत आवको सोही अवधिको तुलनामा ८६ करोड ५० लाख रुपैयाँले बढी हो । गत आवको सोही अवधिमा भने बैंक तथा फाइनान्स कम्पनीहरुले कर्मचारीको पारिश्रमिक शीर्षकमा चार अर्ब १० करोड र कार्यालय व्यवस्थापनमा दुई अर्ब ४६ करोड ९० लाख रुपैयाँ समेत गरी कुल छ अर्ब ४७ करोड ९० लाख रुपैयाँ खर्च गरेका छन् ।
चालू आवको पछिल्लो अवधिमा वाणिज्य बैंकहरुको कुल खर्च भने ७४ करोड ८० लाख रुपैयाँले बढेको छ । राष्ट्र बैंकका अनुसार चालू आवको पहिलो महिनामा वाणिज्य बैंकहरुले कर्मचारीको पारिश्रमिक शीर्षकमा तीन अर्ब ९१ करोड ९० लाख र कार्यालय व्यवस्थापन शीर्षकमा दुई अर्ब ६० करोड ९० लाख रुपैयाँ समेत गरी कुल छ अर्ब ४२ करोड ८० लाख रुपैयाँ खर्च गरेका छन् । गत आवको सोही अवधिमा भने वाणिज्य बैंकहरुले कर्मचारीको पारिश्रमिकमा तीन अर्ब ५४ करोड ४४ लाख र कार्यालय व्यवस्थापन शीर्षकमा दुई अर्ब १३ करोड ६० लाख रुपैयाँ समेत गरी कुल पाँच अर्ब ६८ करोड रुपैयाँ खर्च गरेका छन् ।
विकास बैंकहरुले भने चालू आवको पहिलो महिनामा कर्मचारीको पारिश्रमिकमा ४५ करोड ६० लाख र कार्यालय व्यवस्थापन शीर्षकमा २७ करोड ३० लाख रुपैयाँ समेत गरी कुल ७२ करोड ९० लाख रुपैयाँ खर्च गरेका छन् । यो खर्च गत आवको सोही अवधिको तुलनामा नौ करोड ४० लाख रुपैयाँले बढी हो । गत आवको सोही अवधिमा विकास बैंकहरुको यी दुई शीर्षकको कुल खर्च ६३ करोड ५० लाख रुपैयाँ रहेको थियो ।
फाइनान्स कम्पनीहरुले भने चालू आवको पहिलो महिनामा कर्मचारीको पारिश्रमिक र कार्यालय व्यवस्थापन समेतमा गरी कुल १९ करोड ३० लाख रुपैयाँ खर्च गरेका छन् । यो खर्च गत आवको सोही अवधिको तुलनामा दुई करोड ८० लाख रुपैयाँले बढी हो । गत आवको सोही अवधिमा भने फाइनान्सहरुले कर्मचारीको पारिश्रमिक शीर्षकमा नौ करोड ६० लाख र कार्यालय व्यवस्थापन शीर्षकमा छ करोड ९० लाख रुपैयाँ खर्च गरेको जानकारी राष्ट्र बैंकले दिएको छ ।
क्याटेगोरी : समाचार
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया