१० विकास बैंकले तीन महिनामा कमाए एक अर्ब १३ करोड
नारायणी र ग्रिन डेभलपमेन्ट बैंक नोक्सानीमा
सुरेश राउत २०७९, कात्तिक १५ १०:४१ 
काठमाडौं । चालू आर्थिक वर्षको पछिल्लो तीन महिनाको अवधिमा १० वटा विकास बैंकहरुले एक अर्ब ३६ करोड ६० लाख ३५ हजार एक सय ६० रुपैयाँ खुद मुनाफा कमाएको छ । विकास बैंकहरुले कमाएको यो नाफा गत आवको सोही अवधिको तुलनामा निकै कम हो । गत आवको सोही अवधिमा विकास बैंकहरुको यस्तो नाफा एक अर्ब ६० करोड ५३ लाख सात हजार रुपैयाँ रहेको थियो ।
नेपाली वित्तीय प्रणालीमा १७ वटा विकास बैंकहरु सञ्चालनमा रहेकोमा हालसम्म १२ वटा विकास बैंकहरुले मात्र चालू आवको पछिल्लो तीन महिनाको अपरिष्कृत वित्तीय विवरण सार्वजनिक गरेका छन् । तीमध्ये शाइन रेसुंगा डेभलपमेन्ट बैंक, गरिमा विकास बैंक, साँग्रिला डेभलपमेन्ट बैंक, मितेरी डेभलपमेन्ट बैंक र सिन्धु विकास बैंकको नाफा सामान्यरुपमा बढे पनि मुक्तिनाथ विकास बैंक, महालक्ष्मी विकास बैंक, ज्योति विकास बैंक, लुम्बिनी विकास बैंक र कामना सेवा विकास बैंकको नाफा भने घटेको छ । यस अवधिमा क्षेत्रीयस्तरमा वित्तीय कारोबार सञ्चालन गर्दै आएको नारायणी डेभलपमेन्ट बैंक र ग्रिन डेभलपमेन्ट बैंकको खुद मुनाफा भने ऋणात्मक देखिएको छ ।
विकास बैंकहरुमध्ये बढी नाफा कमाउने पाँचवटा बैंकहरुमा मुक्तिनाथ, शाइन, गरिमा, महालक्ष्मी र ज्योति परेका छन् । चालू आवको पहिलो त्रैमासिकमा यी बैंकहरुले क्रमशः ३० करोड ७४ लाख १५ हजार २० करोड ९१ लाख ३६ हजार, १९ करोड ३३ लाख २८ हजार, ११ करोड ९३ लाख ३९ हजार र १० करोड ९८ हजार रुपैयाँ खुद मुनाफा कमाएका छन् । गत आवको सोही अवधिमा भने यी बैंकहरुको यस्तो नाफा ३४ करोड ५५ लाख ८७ हजार, १४ करोड ७३ लाख ६३ हजार, १८ करोड ४४ लाख १९ हजार, २३ करोड पाँच लाख ३४ हजार र २१ करोड ७८ लाख ५५ हजार रुपैयाँ थियो ।
चालू आवको पछिल्लो तीन महिनाको अवधिमा लुम्बिनी, साँग्रिला र कामना सेवा विकास बैंकहरुले भने क्रमशः सात करोड १० लाख २९ हजार, पाँच करोड ५३ लाख ४३ हजार र चार करोड १५ लाख ६१ हजार रुपैयाँ खुद मुनाफा कमाएका छन् । गत आवको सोही अवधिमा भने यी बैंकहरुले क्रमशः २१ करोड ३१ लाख ६४ हजार, पाँच करोड ४४ लाख ३१ हजार र १७ करोड ५७ लाख ४७ हजार रुपैयाँ खुद मुनाफा कमाएका थिए । मितेरी र सिन्धु विकास बैंकले भने चालू आवको पछिल्लो तीन महिनाको अवधिमा क्रमशः तीन करोड ६६ लाख २२ हजार र २१ लाख ५८ हजार रुपैयाँ खुद मुनाफा कमाएका छन् । गत आवको सोही अवधिमा भने मितेरीले तीन करोड ६२ लाख दुई हजार रुपैयाँ खुद मुनाफा कमाउँदा सिन्धुले ६६ लाख ६९ हजार रुपैयाँ खुद नोक्सानी व्यहोरेको थियो ।
अपरिष्कृत वित्तीय विवरण सार्वजनिक गरेकामध्ये नारायणी र ग्रिन डेभलपमेन्ट बैंकले भने खुद नोक्सानी व्यहोरेका छन् । चालू आवको पहिलो त्रैमासिकमा नारायणीले एक करोड ६७ लाख एक हजार रुपैयाँ खुद नोक्सानी व्यहोर्दा ग्रिनले एक करोड ७८ लाख ३६ हजार रुपैयाँ खुद नोक्सानी व्यहोरेको थियो । गत आवको सोही नारायणीले नौ लाख ११ हजार रुपैयाँ खुद नोक्सानी व्यहोेर्दा ग्रिनले छ लाख १३ हजार रुपैयाँ खुद मुनाफा कमाएको थियो ।
क्याटेगोरी : समाचार
ताजा अपडेट
- ऊर्जामन्त्री खड्काद्वारा ढल्केवर सबस्टेसनको निरीक्षण
- पन्ध्रौँ इक्यान शैक्षिक मेला असोज १३ गते
- २५ सय बिन्दुमा खुम्चियो शेयर बजार
- शुक्रराज अस्पतालमा सरुवा रोगका बिरामीको चाप बढे
- देशका गौरब र पहिचान भनेकै भाषा, साहित्य, संस्कृति: राष्ट्रपति पौडेल
- नेपालको अर्थतन्त्र सुधार हुँदै: आईएमएफ उपनिर्देशक
- काठमाडौंमा अमूर्त सांस्कृतिक सम्पदासम्बन्धी अन्तर्राष्ट्रिय सेमिनार
- ‘कनेक्टिङ कर्णाली’अन्तर्गत काठमाडौंमा मगुका तस्वीर-भिडियो प्रदर्शन
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया