काठमाडौं । तीन महिनामा वैदेशिक रोजगारीमा गएका दुई सय ८० जना नेपालीले ज्यान गुमाएका छन् । वैदेशिक रोजगार बोर्डको सचिवालयका अनुसार साउनदेखि असोज मसान्तसम्ममा वैदेशिक रोजगारीको क्रममा ती नेपालीको मृत्यु भएको हो । जसमा श्रम स्वीकृति लिएर गएका दुई सय ७१ जना पुरुष र नौ जना महिलाले बिरामी तथा दुर्घटनामा परी ज्यान गुमाएका हुन् ।
तीमध्ये साउदी अरबमा सबैभन्दा धेरै ७९ जना (७९ पुरुष), मलेसियामा ६४ जना (६२ पुरुष/२ महिला), कतारमा ४८ जना (४८ पुरुष), संयुक्त अरब इमिरेट्स (यूएई)मा ४८ जना (४५ पुरुष/३ महिला), कुवेतमा १९ जना (१६ पुरुष/३ महिला), दक्षिण कोरियामा छ जना (६ पुरुष), बहराइनमा पाँच जना (५ पुरुष), जोर्डनमा दुई जना (१ पुरुष/१ महिला) ले ज्यान गुमाएका छन् । साथै जापान, टर्की, पोल्याण्ड, पोर्चुगल, ओमान, माल्दिभ्स, ब्रुनाईमा क्रमशः एक जना पुरुषले ज्यान गुमाएका छन् ।
मृतकका ती परिवारलाई क्षतिपूर्तिबापत आर्थिक सहायतास्वरुप १६ करोड सात लाख ५५ हजार रुपैयाँ प्रदान गरेको छ । बोर्ड सचिवालयले मृतकका परिवारका नजिकका हकवालालाई आर्थिक सहायतास्वरुप सात लाख रुपैयाँ प्रदान गर्ने गरेको छ । बोर्डले कल्याणकारी कार्यअन्तर्गत मृतकका नजिकका हकवालालाई आर्थिक सहायता प्रदान गर्ने, अंगभंग/बिरामी भएका कामदारलाई आर्थिक सहायता, कामदारका परिवारलाई औषधोपचार सहयोग, शव झिकाउने, शव ढुवानी, अभिमुखीकरण तालिम दिनेलगायतका काम गर्दै आएको छ । उक्त कार्यहरु बोर्डको अनिवार्य दायित्वअन्तर्गत कल्याणकारी कार्य हो । सोही क्रममा कल्याणकारी कार्यअन्तर्गत तीन महिनाको अवधिमा सात सय ७८ जना (६६५ पुरुष/११३ महिला) का लागि बोर्डले १८ करोड ५३ लाख १५ हजार एक सय रुपैयाँ खर्च गरेको छ ।
यस्तै, बोर्डले तीन महिनाको अवधिमा दुई सय ७३ वटा (२६४ पुरुष/नौ महिला) शव मृतकको घर ठेगानासम्म ढुवानी गरेको छ । शव ढुवानीको लागि उसले ५३ लाख ६६ हजार रुपैयाँ खर्च गरेको छ । ६३ वटा (६९ पुरुष/३ महिला) शव झिकाउनका लागि ४५ लाख ९८ हजार रुपैयाँ खर्च गरेको छ । बोर्डले विदेशमा रहेको नेपाली नियोगसँगको समन्वयमार्फत शव झिकाएको हो । ३९ जना पुरुषको उद्धारका लागि आठ लाख १९ हजार रुपैयाँ खर्च गरेको छ । यसका लागि पनि नियोगसँग समन्वय गरेको पाइन्छ । ३१ जना (२९ पुरुष/२ महिला) अंगभंग/बिरामी भएका कामदारलाई आर्थिक सहायतास्वरुप एक करोड ३३ लाख ७० हजार रुपैयाँ वितरण गरेको छ ।
सात जना (५ पुरुष/२ महिला) वैदेशिक रोजगारीमा गएका कामदारका परिवारलाई औषधोपचार सहयोगस्वरुप तीन लाख ५० हजार रुपैयाँ र ८५ जना महिलालाई अभिमुखीकरण तालिम प्रदान गर्नको लागि ५९ हजार पाँच सय रुपैयाँ वितरण गरेको छ । बोर्डले वैदेशिक रोजगार ऐन, २०६४ को दफा ३३ मा रही वैदेशिक रोजगार कल्याणकारी कोषको प्रयोग गरेको पाइन्छ ।
यस्तै, बोर्डका उपसचिव दिपक ढकालले कल्याणकारी कार्यका साथै पुनः एकीकरण कार्यक्रम समेत सञ्चालन गर्ने तयारीमा रहेको बताए । अनिवार्य दायित्वअन्तर्गत कल्याणकारी कार्य गर्दै आएका छौँ भने वैदेशिक रोजगारीबाट फर्केका व्यक्तिका लागि पुनः एकीकरण कार्यक्रम कार्यान्वयन चरणमा रहेको उनको भनाइ छ ।
क्याटेगोरी : समाचार
ताजा अपडेट
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
- दुई दलीय संयन्त्रबाट सरकार सञ्चालन गर्न सहज हुने छ : उपप्रधानमन्त्री सिंह
- नेपालबाट बङ्गलादेश विद्युत् निर्यात सुरु
- गरिमा विकास बैंक र नेपाल विद्युतीय व्यवसायी महासंघबीच सम्झौता
- इन्फोडेभलपर्स र साङ्ग्रिला डेभलपमेन्ट बैंकबीच सम्झौता
- प्राइम कमर्सियल बैंकको साधारणसभा आह्वान
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया