बझाङमा गठबन्धनका उम्मेदवार विजयी
आशिष बहादुर सिंह २०७९, मंसीर ९ ११:०९ 
बझाङ । बझाङमा सत्ता गठबन्धनका उम्मेदवारहरू विजयी भएका छन् । जिल्लाबाट प्रतिनिधिसभा सदस्यमा नेकपा एकीकृत समाजवादीका भानुभक्त जोशी निर्वाचित भए । उनले नेकपा एमालेका ऐन महरलाई नौ सय ९८ मतले पछि पार्दै जित हात पारेका हुन् ।
जोशीले २८ हजार एक सय ४३ मत प्राप्त गरेका छन् भने उनका प्रतिस्पर्धी महरले २७ हजार एक सय ४५ मत प्राप्त गरेको मुख्य निर्वाचन अधिकृतको कार्यालयले जानकारी दिएको छ । मंगलबार साँझबाट सुरु भएको मतगणनामा बुधबार राति १२ बजे प्रतिनिधिसभाको अन्तिम मत परिणाम सार्वजनिक भएको थियो । निवार्चित जोशी यसअघि एक पटक प्रतिनिधिसभा सदस्य, एक पटक संविधानसभा सदस्य र एक पटक वनमन्त्री भइसकेका छन् । नेकपा एमालेबाट गत वर्षमात्रै पार्टी परिवर्तन गरेका जोशी नेकपा एसका स्थायी समिति सदस्य हुन् ।
बझाङ जिल्लाबाट प्रदेशसभा निर्वाचन क्षेत्र नम्बर १ मा नेपाली कांग्रेसका पृथ्वीबहादुर सिंह निर्वाचित भएका छन् । उनले नेकपा (एमाले)का अफिलाल ओखेडालाई तीन हजार सात सय ७६ मतको अन्तरले पराजित गरेका हुन् । मत गणनाको सुरुदेखि नै अग्रता लिएका सिंहले १७ हजार एक सय १२ मत प्राप्त गर्दा ओखेडाले १३ हजार तीन सय ३६ मत ल्याएका थिए । निर्वाचित सिंह नेपाली कांग्रेसका पूर्वजिल्ला सभापति हुन् । यस्तै प्रदेशसभा निर्वाचन क्षेत्र नम्बर २ मा पनि गठबन्धनका साझा उम्मेदवार माओवादी केन्द्रबाट भिम भन्डारी निर्वाचित भएका छन् । उनले नेकपा (एमाले)का एलबी रावललाई दुई हजार पाँच सय ४२ मतको अन्तरले पराजित गरेका हुन् ।
क्याटेगोरी : समाचार
ताजा अपडेट
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
- दुई दलीय संयन्त्रबाट सरकार सञ्चालन गर्न सहज हुने छ : उपप्रधानमन्त्री सिंह
- नेपालबाट बङ्गलादेश विद्युत् निर्यात सुरु
- गरिमा विकास बैंक र नेपाल विद्युतीय व्यवसायी महासंघबीच सम्झौता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया