काठमाडौं । नेपाल राष्ट्र बैंकका गभर्नर महाप्रसाद अधिकारीले नेपालको अर्थतन्त्रलाई मजबुत बनाउनको लागि निर्यात प्रवर्द्धनमा जोड दिनुपर्ने बताएका छन् । नेपाल–इन्डिया बीएफएसआई पार्टनरसीप समिट कार्यक्रममा उनले नेपाल र भारतमा समेत छोटो समय देखिएको तरलता अभाव पनि चाँडै नै समाधान हुने बताए ।
त्यसैगरी दुवै देशबीच रेमिट्यान्सलाई फर्मलच्यानलबाट आदानप्रदान गर्नको लागि जोड दिन आग्रह समेत उनले आग्रह गरे । विगत ३ महिनामा निर्यात वृद्धि भएकोले भुक्तानी सन्तुलन सकारात्मक रहेको उनको भनाइ थियो । बैंकिङ, फाइनान्स एन्ड इन्स्योरेन्स इन्टिच्युट अफ नेपाल र इन्डिया–नेपाल सेन्टर, पीएचडी चेम्बर अफ कमर्स भारतको सहकार्यमा शुक्रबार आयोजित समिटमा नेपाल र भारत दुई देशबीचका बैंक तथा वित्तीय संस्थाहरूबीच के–कस्ता कार्यहरूमा सहभागिता गर्न सकिन्छ, दुई देशबीच लगानी, रेमिट्यान्स, व्यापार, बैंकिङ विषयहरूमा के–कस्ता समस्याहरू छन् र ती समस्याहरू निवारण गर्नका लागि के–कस्ता नीतिगत सुधारको आवश्यकता पर्दछ भन्ने विषयहरू छलफल भएको थियो ।
कार्यक्रममा दुई देशबीच बैंक, वित्तिय संस्था र इन्स्योरेन्स क्षेत्रका रेगुलेटरी र कमर्सियल नीतिहरू थप प्रभावकारी बनाउनको लागि नेपाल दुई देशका विज्ञहरूले आ–आफ्नो धारणा राखेका थिए । यस्तै कार्यक्रममा नेपाल र भारतबीच बैंक तथा वित्तीय संस्था, इन्स्योरेन्स क्षेत्रमा सम्भावित सहकार्य, हाइड्रो प्रोजेक्ट र कृषिमा लगानीलगायतका सम्बन्धमा छलफल भएको थियो । बैंक तथा वित्तीय क्षेत्रमा भारतमा भएको इनोभेसन र रिफर्म, बैंक तथा वित्तीय क्षेत्रमा भारतले गरेको प्रगति र अनुभवबाट नेपालले टेक्नोलोजी टान्सफर, लगानी प्रवद्र्धन र सहकार्यका सम्बन्धमा हाल भइरहेको लगानी र थप लगानीका क्षेत्रहरू र नीतिगत सुधारका सम्बन्धलगायतका बारेमा पनि सहभागीहरूले धारणा राखेका थिए । यस्तै कार्यक्रममा नेपालमा लगानीका अवसर, विद्यमान नीतिगत व्यवस्थाहरू, समस्याहरू र बैंक तथा वित्तीय संस्था र नियामक निकायको सम्बन्धका बारेमा पनि चर्चा भएको थियो ।
क्याटेगोरी : समाचार
ताजा अपडेट
- दैलेखका किसानको ‘गुणे’ धानमा अधिक आकर्षण
- दार्चुला जीप दुर्घटना: आठ जनाको मृत्यु, पाँच घाइते
- कोप–२९ मा सहभागी भई स्वदेश फर्किए राष्ट्रपति
- ‘नेक’ प्रादेशिक छात्रवृत्तिको प्रवेश परीक्षा मंसिर दुई गते
- टेकस्पायर स्टार्टअप एन्ड आईडिया फेस्ट सुरु
- हेटौँडा सिमेन्ट उद्योग सञ्चालनमा ढिलाइ
- उत्पादनको क्षेत्रमा जोड दिन निजी क्षेत्रलाई आग्रह
- तेस्रो पटक पनि राष्ट्रपति बन्ने ट्रम्पको इच्छा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया