काठमाडौं । यही मंसिर ४ गते आइतबार भएको प्रतिनिधिसभा र प्रदेशसभा निर्वाचनमध्ये प्रतिनिधिसभाको प्रत्यक्षतर्फ नेपाली कांग्रेसले सबैभन्दा धेरै ५३ क्षेत्रमा जित निकालेको छ भने एक क्षेत्रमा अग्रस्थानमा छ । नेकपा एमालेले ४२ स्थानमा जित निकालेर दुई स्थानमा अग्रता लिएको छ ।
निर्वाचनमा पूर्वप्रधानमन्त्री झलनाथ खनाल एमालेका महेश बस्नेतबाट इमाल–१ मा पराजित भएका छन् । निर्वाचनमा उठेकामध्ये यो निर्वाचनबाट पूर्वप्रधानमन्त्री पराजित भएका खनाल मात्र हुन् ।
प्रत्यक्षतर्फ पहिलो भएको नेपाली कांग्रेस समानुपातिकतर्फ प्रतिनिधिसभा भने दोस्रो स्थानमा छ । पहिलो स्थानमा रहेको एमालेलाई कांग्रेसले पछ्याउने क्रम जारी छ । यद्यपि एमाले नेपाली कांग्रेसभन्दा एक लाख २७ हजार एक सय ९० मतले अगाडि छ । अब थोरै मत गणना हुन बाँकी रहेको कारण कांग्रेसले समानुपातिकमा एमालेलाई जित्ने सम्भावना कम हुँदै गएको छ ।
आयोगका अनुसार प्रतिनिधिसभा समानुपातिकतर्फ एमालेले २४ लाख ९७ हजार एक सय २६ र नेपाली कांग्रेसले २३ लाख ६९ हजार नौ सय ३६ मत ल्याएका छन् । राष्ट्रिय स्वतन्त्र पार्टीले १० लाख ५४ हजार नौ सय २२ र माओवादी केन्द्रले १० लाख ४२ हजार दुई सय २६ मत ल्याएको छ ।
समानुपातिमा तेस्रो स्थानका लागि नेकपा माओवादी केन्द्र र राष्ट्रिय स्वतन्त्र पार्टीबीच प्रतिस्पर्धा छ । आइतबार रातिसम्म माओवादीभन्दा स्वतन्त्र पार्टी १२ हजारभन्दा बढी मतले आगडि छ । प्रत्यक्षतर्फ १० स्थानमा कांग्रेस, माओवादीलगायतका गठबन्धनको कारण जित निकालेको नेकपा एकीकृत समाजवादीले तीन प्रतिशत मत ल्याउनको लागि संघर्ष गरिरहेको छ । समाजवादीले आइतबार रातिसम्म दुई लाख ४६ हजार सात मत मात्र प्राप्त गरेको छ । राष्ट्रिय पार्टी बन्न सदर मतको तीन प्रतिशत ल्याउनुपर्नेछ ।
यसैबीच, निर्वाचन आयोगले दोलखा जिल्लाका १० मतदान केन्द्रमा पुनः मतदान गर्ने भएको छ । आयोगले स्याङ्जा–२ र बाजुरामा के गर्ने भनेर आइतबार पनि निर्णय गर्नसकेको छैन ।
क्याटेगोरी : समाचार
ताजा अपडेट
- दार्चुलामा जीप दुर्घटना, छ जनाको घटनास्थलमै मृत्यु
- छुर्पीको अनिवार्य गुणस्तरसम्बन्धी मापदण्डको प्रस्ताव मन्त्रिपरिषद्मा पेस गरिने
- शुक्रबारका लागि यस्तो छ विदेशी मुद्राको विनिमय दर
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया