काठमाडौ । ठूलो आवाज निकाल्ने मोटरसाइकललाई वातावरण विभागले १० हजार रुपैयाँ जरिवाना तिराउने भएको छ । ठूलो आवाज निकाली ध्वनि प्रदूषण गराउने मोटरसाइकललाई ट्राफिक प्रहरीले पक्राउ गरी आवश्यक कारबाहीको लागि वातावरण विभाग सिंहदरबार पठाउने र विभागले जरिवाना गराउने गरेको छ ।
ट्राफिक प्रहरीले २९ वटा मोटरसाइकल पक्राउ गरी विभाग पठाएकोमा १२ वटा मोटरसाइकललाई १० हजार रुपैयाँ जरिवाना गराएको विभागले जनाएको छ । वातावरण विभागद्वारा परीक्षण गर्दा मापदण्डभन्दा बढी आवाज निकालेको पाइएकाले जरिवाना गराइएको हो । १७ वटा मोटरसाइकलको सम्बन्धमा सोही विभागबाट आवश्यक अनुसन्धान भइरहेको छ ।
काठमाडौं उपत्यका ट्राफिक प्रहरी कार्यालयबाट उपत्यकाका विभिन्न स्थानमा गरिएको विशेष चेकिङको क्रममा २९ वटा ठूलो आवाज निकाल्ने मोटरसाइकललाई ट्राफिक प्रहरीले नियन्त्रणमा लिएको थियो ।
ठूलो आवाज निकाली सवारीसाधन चलाउदा ध्वनि प्रदूषण हुनुका साथै मानवीय स्वास्थ्यमा समेत नकारात्मक असर पर्ने भएकाले त्यस्ता सवारीसाधन नचलाउन काठमाडौं उपत्यका ट्राफिक प्रहरी कार्यालयका प्रवक्ता एवं प्रहरी वरिष्ठ उपरीक्षक राजेन्द्र प्रसाद भट्टले आग्रह समेत गरेका छन् ।
त्यस्तै स्कुल बस चेकिङमा १८ जना स्कुल बसका चालक पनि कारबाहीमा परेका छन् । मापसे गरी सवारीसाधन चलाउँदै गरेका एक जना चालकसहित १८ जनालाई कारबाही गरिएको प्रहरीले जनाएको छ ।
ईपीएस कलेज मिनभवनको बा २ ख २६ ३६ नम्बरको बसका चालक विकाश तामाङलाई मापसेको कसुरमा ट्राफिक प्रहरीले कारबाही गरेको हो । मदिरा पिएर स्कुलका सवारीसाधन चलाएका चालकलाई नियन्त्रणमा लिई नियमअनुसार कारबाही गरेर सम्बन्धित स्कुललाई जानकारी गराई अर्को चालकमार्फत विद्यार्थीहरूलाई गन्तव्यमा पठाइएको काठमाडौं उपत्यका ट्राफिक प्रहरी कार्यालयका प्रवक्ता एवं प्रहरी वरिष्ठ उपरीक्षक राजेन्द्र प्रसाद भट्टले जानकारी दिए । काठमाडौं उपत्यका ट्राफिक प्रहरी कार्यालयले गएको साउन ८ गतेदेखि स्कुल बस चेकजाँच गर्ने अभियान सञ्चालन गर्दै आएको छ ।
क्याटेगोरी : समाचार
ताजा अपडेट
- दार्चुलामा जीप दुर्घटना, छ जनाको घटनास्थलमै मृत्यु
- छुर्पीको अनिवार्य गुणस्तरसम्बन्धी मापदण्डको प्रस्ताव मन्त्रिपरिषद्मा पेस गरिने
- शुक्रबारका लागि यस्तो छ विदेशी मुद्राको विनिमय दर
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया