कञ्चनपुर, फागुन २५
शुक्लाफाँटा राष्ट्रिय निकुञ्जको पर्यटन प्रवद्र्धनका लागि भीमदत्त नगरपालिका र शुक्लाफाँटा राष्ट्रिय निकुञ्जद्वारा आयोजना गरिएको तेस्रो शुक्लाफाँटा पर्यटन महोत्सव २०७६ समापन गरिएको छ । गत ९ गतेदेखि दुई सातासम्म सञ्चालन गरिएको महोत्सवको शनिबार औपचारिक कार्यक्रम गरी समापन गरिएको छ । समापन कार्यक्रममा भीमदत्त नगरपािलकाका नगरप्रमुख सुरेन्द्र विष्टले महोत्सवको प्रगति विवरण सार्वजनिक गरेका छन् । कार्यक्रममा नगर प्रमुख विष्टले शुक्लाफाँटा पर्यटन महोत्सव शुक्लाफाँटा राष्ट्रिय निकुञ्जको पर्यटन महोत्सवमा कोशेढुङ्गा भएको बताए । वर्षा र कोरोना संक्रमणको त्रासले महोत्सव कार्यक्रमका केही कार्यक्रमलाई अवरोध पुगेको नगर प्रमुख विष्टले बताए । महोत्सव उद्घाटनका दिन निकुञ्ज प्रवेशद्वारमा बाह्रसिंगाको मूर्ति स्थापना गरी मझगाउँ चौकलाई बाह्रसिंगा चोक नामकरण समेत गरिएको छ । महोत्सवमा अपाङ्गता भएका व्यक्ति, ज्येष्ठ नागरिक, एकल महिला, अनाथ बालबालिका र नेपाल भारतका साहित्यकारहरुले पहिलोपटक सामूहिक रुपमा शुक्लाफाँटा राष्ट्रिय निकुञ्जमा भ्रमण गरेका छन् । भीमदत्त नगरपालिकाले सबैलाई निःशुल्क रुपमा निकुञ्ज भ्रमण गराएको बताएको छ ।
नगरपालिका कार्यालयका अनुसार भ्रमण गर्नेमा अपाङ्गता भएका ३५, ज्येष्ठ नागरिक ९०, एकल महिला ६०, अनाथ बालबालिका ३२ र दुवै देशका साहित्यकार २० जना छन् । महोत्सव अवधिमा एक हजारभन्दा बढी स्वदेशी र विदेशी पर्यटनले निकुञ्ज भ्रमण गरेको नगरप्रमुख विष्टले बताए । पर्यटकहरुलाई मझगाउँस्थित निकुञ्ज कार्यालय र पिपरियास्थित हात्तीसार पोष्टबाट प्रवेश गराइएको थियो । पर्यटन विकासको कुञ्ज, शुक्लाफाँटा राष्ट्रिय निकुञ्ज विषयमा मदनचोकमा वक्तृत्वकला प्रतियोगिता गरिएको थियो, प्रतियोगितामा पूजा सुनार प्रथम, पूजा नेगी द्वितीय, जीवन ज्योति कलौनी तेस्रो र कृष्ण बुढाले चौथो स्थान हासिल गरेका बताएका छन् ।महोत्सवमा १० लाख ५५ हजार रुपैयाँ खर्च गरिएको आयोजकले जनाएको छ । त्यसमा भीमदत्त नगरपालिका ५ लाख, नेपाल पर्यटन बोर्ड २ लाख ५० हजार, प्रकृति संरक्षण कोष ५५ हजार, सुदूरपश्चिम प्रदेशको उद्योग, पर्यटन, वन तथा वातावरण मन्त्रालय २ लाख र कञ्चनपुर उद्योग वाणिज्य संघबाट ५० हजार आम्दानी समापन कार्यक्रममा भीमदत्त नगरपालिकाले उपलब्ध गराएको विवरणमा उल्लेख गरिएको छ ।
क्याटेगोरी : समाचार
ताजा अपडेट
- चीन भ्रमणमा ऋणसम्बन्धी सम्झौता नहुने: प्रधानमन्त्री
- टेक्ससको ड्यालसमा एक सय दश जनाद्वारा रक्तदान
- १५ दशमलव ८३ बिन्दुले उक्लियो शेयर बजार
- विमान चालकको समस्या छिट्टै समाधान हुन्छ: वायुसेवा निगम
- ‘स्मार्ट सिटी हुनका लागि हिंसारहित समाज हुनु अनिवार्य छ’
- आज साँझ ५ बजे मन्त्रिपरिषद् बैठक बस्ने
- काठमाडौँमा बुधबारदेखि जनसङ्ख्या र विकाससम्बन्धी छैटौँ अन्तर्राष्ट्रिय सम्मेलन
- छोराद्वारा बुबाको हत्या
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया