सर्लाहीमा १५ बिघा जग्गामा लगाइएको गाँजा फँडानी
कुष्ण थपलिया २०७९, पुस १९ ११:०३ 
सर्लाही । गाँजाखेती नष्ट गर्ने अभियान थालेको सर्लाही प्रहरीले प्रहरीले दुई दिनमा १५ बिघाभन्दा बढी क्षेत्रमा लगाइएको गाँजाखेती नष्ट गरेको छ । प्रहरीले आइतबार मात्रै जिल्लाको दुर्गम क्षेत्र लालबन्दी नगरपालिका–१४, नारायण खोलाको आठ बिघाभन्दा बढी क्षेत्रफलमा लगाइएको गाँजाखेती नष्ट गरेको थियो । यस्तै सोमबार थप नौ बिघामा लगाइएको गाँजाखेती नष्ट गरेको प्रहरीले जनाएको छ ।
जिल्ला प्रहरी कार्यालय सर्लाहीमा भर्खरै सरुवा भएर आएका एसपी नरेशराज सुवेदीले हाजिर भएको केही साता नबित्दै गाँजाखेती नष्ट गर्ने अभियान थालेका हुन् । गाँजाखेती नष्ट गर्न सोमबार पनि जिल्ला प्रहरी कार्यालयबाट इन्स्पेक्टर र इलाका प्रहरी कार्यालय लालबन्दीबाट पनि इन्स्पेक्टरकै कमाण्डमा ६० जना प्रहरी टोली नारायण खोला पुगेको थियो । लालबन्दी –१४ का विभिन्न स्थानमा गाँजाखेती भइरहेको छ, भन्ने सूचनाको आधारमा पुगेको प्रहरी टोलीले नारायण खोलास्थित सत्रकठ्ठा र आसपासका १५ बिघा बढीको क्षेत्रफलमा लगाई तयारी हुन लागेको गाँजा फँडानी गरेको हो । एसपी नरेश सुवेदीले आफू शुक्रबार जिल्लामा हाजिर हुनासाथ नारायण खोलामा कानुनद्वारा निषेध गरिएको गाँजाखेती भइरहेको सूचना पाएको बताएका थिए । सूचनाबमोजिमकै गाँजाखेती भइरहेको देखेपछि आइतबारबाट प्रहरी टोली पठाएर फँडानी गर्न सुरु गरेको उनले बताए ।
उनले अब निरन्तर प्रहरी पठाएर नारायण खोलामा भइरहेको प्रतिबन्धित गाँजाखेती नष्ट गर्ने अभियान चलाउने बताए । नारायण खोलामा हरेक वर्ष प्रहरी गएर गाँजा फाँड्ने गरेको भए पनि स्थानीयले गाँजाको खेती गर्न भने छाडेका छैनन् । जिल्लाको दुर्गम भेगमा पर्ने चुरे क्षेत्रस्थित नारायण खोलाका स्थानीयले केही वर्षदेखि अन्य बाली लगाउन छाडेर गाँजाको खेती गर्दै आइरहेका छन् । अन्न उत्पादनले दुई महिना पनि नधान्ने भएपति बाध्य भएर गाँजा खेतीमा लागेको एक स्थानीयले बताए । तयार हुनै लागेको गाँजा एक्कासि प्रहरी आएर नष्ट गरिदिँदा आफूहरू ठूलो मारमा परेको उनीहरूको गुनासो छ । सडक नपुगेका कारण त्यहाँका स्थानीय खोलाको बगरबाट हिँड्न पर्ने बाध्यतामा छन् ।
क्याटेगोरी : समाचार
ताजा अपडेट
- निर्यात बढाउन हरसम्भव प्रयत्न गर्ने प्रतिबद्धता
- बेलायतद्वारा जलवायु परिवर्तनका असर घटाउन गरेका प्रतिबद्धताअनुसार सहयोग हुन्छ : विशेष प्रतिनिधि क्याथे
- मोटरसाइकल दुर्घटनामा एकको मृत्यु
- यस्तो छ आजका लागि विदेशी मुद्राको विनिमय दर
- एमाले इलामको अध्यक्षमा बराल निर्वाचित
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया