काठमाडौं । नेपाल निर्माण व्यवसायी महासंघले आर्थिक अभावका कारण निर्माण उद्योगले चरम संकट झेलिरहेको जनाएको छ । निर्माणसम्पन्न भएका परियोजनाहरूको समेत भुक्तानी नपाउँदा निर्माण व्यवसायीहरू चर्को आर्थिक मारमा परेको महासंंघका अध्यक्ष रवि सिंहले बताए ।
महासंघका अध्यक्ष सिंहसहितको एक प्रतिनिधिमण्डलले सोमबार अर्थमन्त्री विष्णुप्रसाद पौडेल र गृहमन्त्री रवि लामिछानेसँग छुट्टाछुट्टै भेट गरी निर्माण व्यवसायीहरू चरम आर्थिक मारमा रहेको भन्दै उनीहरुले पाउनुपर्ने रकम तत्काल उपलब्ध गराउन माग समेत गरेको छ । यस्तै सार्वजनिक खरिदका कानुनअनुसार निर्माण व्यवसायीहरूले पाउनुपर्ने २० प्रतिशत मोबिलाइजेसन रकम उपलब्ध गराउन पनि अध्यक्ष सिंहले आग्रह गरे । महासंघ प्रतिनिधिमण्डलले धरौटी रकम फिर्ता, पाँच प्याकेजको कार्यान्वयन, शान्ति सुरक्षालगायतका विषयमा पनि उनीहरुको ध्यानाकर्षण गराएको छ । भेटमा दुवै मन्त्रीले आवश्यक अध्ययन गरी निर्माण उद्योगको समस्या समाधानका लागि पहल गर्ने प्रतिबद्धता जनाएको महासंघले जानकारी दिएको छ ।
महासंघ प्रतिनिधिमण्डलसँगको छलफलमा अर्थमन्त्री पौडेलले पूर्वाधार निर्माण नै समृद्ध मुलुकको आयाम भएकोले निर्माण उद्योग सक्षम तथा सबल हुनुपर्ने बताएका थिए । उनले निर्माण व्यवसायीहरूसँग यस उद्योगमा देखिएका समस्याबारे छलफल गर्न सरकार तयार रहेको बताए । यस्तै उनले तोकिएको लागत तथा समयमा नै गुणस्तरीय कार्य पूरा गर्न निर्माण व्यवसायीहरूलाई सुझाव समेत दिए । यसैगरी गृहमन्त्री लामिछानेले निर्माण उद्योगको समस्याबारे आफू जानकार रहेको बताउँदै निर्माण व्यवसायीहरूका समस्याबारे अध्ययन गरी समाधान खोजिने बताएका थिए । व्यवसायीहरूलाई कसेर होइन उनीहरूसँग सहकार्य गरी अघि बढ्ने सोचमा सरकार रहेको उनले प्रस्ट पारे । यस्तै उनले पनि जनचाहनाअनुसार गुणस्तरीय निर्माणकार्यलाई प्राथमिकता दिन व्यवसायीहरूलाई सुझाव दिए ।
प्रतिनिधिमण्डलमा महासंघका सल्लाहकारहरू यक्षध्वज कार्की, टेकबहादुर सेठी, वरिष्ठ उपाध्यक्ष आङ दोर्जी लामा (ए.डी), उपाध्यक्ष टोपबहादुर रायमाझी, महासचिव रोशन दाहाल, उपमहासचिव (नीतिगत) शिवहरि घिमिरे, सहकोषाध्यक्ष सन्तोष शाह, कार्यसमिति सदस्यहरू अशोक कुमार केसी, दानबहादुर खड्का उज्वल गौतम, बालाजु श्रेष्ठ, कार्यालय प्रमुख प्रेम सिंह ऐरलगायतको सहभागिता रहेको थियो ।
क्याटेगोरी : समाचार
ताजा अपडेट
- निर्यात बढाउन हरसम्भव प्रयत्न गर्ने प्रतिबद्धता
- बेलायतद्वारा जलवायु परिवर्तनका असर घटाउन गरेका प्रतिबद्धताअनुसार सहयोग हुन्छ : विशेष प्रतिनिधि क्याथे
- मोटरसाइकल दुर्घटनामा एकको मृत्यु
- यस्तो छ आजका लागि विदेशी मुद्राको विनिमय दर
- एमाले इलामको अध्यक्षमा बराल निर्वाचित
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया