सुरेश राउत
काठमाडौं, फागुन २९
नेपाली बैंकिङ क्षेत्रमा निक्षेप तथा कर्जा खाताको संख्याको बढेको छ । सरकारले वित्तीय पहुँच विस्तार गर्ने उद्देश्यसहित सबै नेपालीको बैंक खाता अभियान सञ्चालन गरेपश्चात् निक्षेप तथा कर्जा खाता दुवैको संख्या बढेको छ । राष्ट्र बैंकका अनुसार चालू आर्थिक वर्षको पुस मसान्तसम्म २७ वटा वाणिज्य बैंक, क्षेत्रीय तथा राष्ट्रियस्तरका समेत गरी २४ वटा विकास बैंक र २२ वटा फाइनान्स कम्पनीहरु सञ्चालनमा रहेका छन् । ती संस्थाहरुमा कुल तीन करोड ११ लाख १२ हजार एक सय ९४ वटा निक्षेप खाता सञ्चालन हुँदा कर्जा खाताको संख्या १४ लाख ९८ हजार चार सय ६७ मात्र रहेको छ । यस अवधिमा वाणिज्य बैंकहरुमा मात्र दुई करोड ५६ लाख १९ हजार नौ सय ४९ वटा निक्षेप खाता सञ्चालनमा रहँदा कर्जा खाताको संख्या भने ११ लाख १३ हजार सात सय १९ रहेको छ ।
विकास बैंकहरुमा भने यस अवधिमा ४८ लाख ५५ हजार आठ सय ७२ वटा निक्षेप खाता सञ्चालनमा रहँदा कर्जा खाताको संख्या भने तीन लाख ३९ हजार नौ सय ८८ वटा मात्र रहेको छ । चालू आवको पछिल्लो छ महिनामा छ लाख ३६ हजार तीन सय ७३ वटा निक्षेप खाता सञ्चालनमा रहेकोमा कर्जा खाताको संख्या भने ४४ हजार सात सय ६० वटा मात्र रहेको छ ।
राष्ट्र बैंकका अनुसार गत आवको सोही अवधिमा बैंकिङ क्षेत्रमा दुई करोड ५६ लाख ५८ हजार तीन सय ८७ वटा निक्षेप खाता सञ्चालनमा रहेकोमा कर्जा खाताको संख्या १३ लाख ६० हजार तीन सय १४ वटा रहेको थियो । उक्त अवधिमा वाणिज्य बैंकहरुमा मात्र दुई करोड नौ लाख ७८ हजार दुई सय ६१ वटा निक्षेप खाता सञ्चालनमा रहेकोमा कर्जातर्फ नौ लाख ८७ हजार नौ सय ४२ वटा खाता सञ्चालनमा रहेका थिए । यसैगरी विकास बैंकतर्फ पनि ४१ लाख २७ हजार आठ सय १८ वटा निक्षेप खाता सञ्चालनमा रहेकोमा कर्जातर्फ तीन लाख ३१ दुई सय ३३ वटा खाता सञ्चालनमा रहेका थिए । फाईनान्स तर्फ भने गत आवको छ महिनामा पाँच लाख ५२ हजार तीन सय आठ वटा निक्षेप खाता सञ्चालनमा रहेकोमा कर्जा तर्फ ४१ हजार एक सय ३९ वटा खाता सञ्चालनमा रहेको थियो ।
क्याटेगोरी : समाचार
ताजा अपडेट
- अपराध र ठगी गर्नेलाई सरकारले छाड्दैन : प्रधानमन्त्री
- सरकारलाई असफल हुने छुट छैन: मन्त्री अधिकारी
- विकास, समृद्धि र सुशासनको सङ्कल्प पूरा गर्ने बाटोमा अघि बढेका छौँ: प्रधानमन्त्री
- कुलमानले गरेको अनियमितता छानवीन गर्न न्यायिक समिति गठन !
- विभाजनको शृङ्खला रोकेर एकताको प्रक्रिया सुरु भएको छ: अध्यक्ष दाहाल
- कर्णाली प्रदेश सरकारले जनताले महसुस हुनेगरी काम गरिरहेको छ: मुख्यमन्त्री कँडेल
- केही व्यक्तिको कमजोरीले गर्दा सिङ्गो सहकारी क्षेत्र बदनाम : मुख्यमन्त्री पाण्डे
- जलेश्वर प्रादेशिक अस्पतालका उपकरण प्रयोगविहीन
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया