विकास बैंकहरूमा पनि बढ्यो खराब कर्जा
सुरेश राउत २०७९, माघ २२ ०९:४९ 
काठमाडौं । विकास बैंकहरुमा पनि खराब कर्जा अर्थात् निष्क्रिय कर्जाको अनुपात बढेको देखिएको छ । विगतमा देखिएको तरलता अभावको समस्यासँगै आमग्राहकको कर्जाको सावाँ ब्याज तिर्ने क्षमतामा कमी आउँदा विकास बैंकहरुमा खराब कर्जाको अनुपात बढेको देखिएको हो ।
विकास बैंकहरुले सार्वजनिक गरेको चालू आर्थिक वर्षको दोस्रो त्रैमासिक अपरिष्कृत वित्तीय विवरणअनुसार क्षेत्रीयस्तरको नारायणी डेभलपमेन्ट बैंकबाहेकका सबै विकास बैंकहरुमा खराब कर्जाको अनुपात बढेको छ । यद्यपि खराब कर्जा बढेको देखिए पनि विकास बैंकहरुमध्ये सबैभन्दा बढी खराब कर्जा क्षेत्रीयस्तरको सिन्धु विकास बैंकमा देखिएको छ भने सबैभन्दा कम खराब कर्जा राष्ट्रियस्तरको मुक्तिनाथ विकास बैंकमा देखिएको छ । चालू आवको दोस्रो त्रैमासिकमा सिन्धुमा चार दशमलव ९० प्रतिशत कर्जा खराब हुँदा मुक्तिनाथमा शून्य दशमलव ९८ प्रतिशत मात्र कर्जा खराब रहेको छ । गत आवको सोही अवधिमा भने सिन्धुमा दुई दशमलव ६७ प्रतिशत कर्जा खराब हुँदा मुक्तिनाथमा शून्य दशमलव २६ प्रतिशत मात्र कर्जा खराब देखिएको छ ।
कर्पोरेट डेभलपमेन्ट बैंक र महालक्ष्मी विकास बैंकमा पनि खराब कर्जा उच्च देखिएको छ । पछिल्लो अवधिमा यी दुई बैंकहरुमा क्रमशः चार दशमलव ५७ र चार दशमलव ५७ प्रतिशत कर्जा खराब रहेको छ । गत आवको सोही अवधिमा भने यी बैंकहरुमा यस्तो कर्जाको अनुपात तीन दशमलव ६६ र दुई दशमलव ८९ प्रतिशत रहेको थियो । कामना सेवा, सांग्रिला, ज्योतिसहितका छवटा विकास बैंकहरुमा भने खराब कर्जाको अनुपात तीन प्रतिशतको हाराहारीमा रहेको छ । जसमध्ये पछिल्लो अवधिमा कामना सेवामा तीन दशमलव ७०, सांग्रिलामा तीन दशमलव ३६ र ज्योतिमा तीन दशमलव ५२ प्रतिशत कर्जा खराब छ ।
गत आवको सोही अवधिमा यी बैंकहरुमा यस्तो कर्जाको अनुपात क्रमशः एक दशमलव ७७, एक दशमलव १५ र एक दशमलव ४७ प्रतिशत रहेको थियो । चालू आवको दोस्रो त्रैमासिकमा कर्णाली, ग्रिन र लुम्बिनी विकास बैंकमा पनि क्रमशः तीन दशमलव १७, तीन दशमलव ४३ र तीन दशमलव २४ प्रतिशत कर्जा खराब रहेको छ । गत आवको सोही अवधिमा यी बैंकहरुमा यस्तो कर्जाको अनुपात दुई दशमलव ६९, दुई दशमलव ३१ र एक दशमलव ६७ प्रतिशत रहेको थियो ।
मितेरी डेभलपमेन्ट बैंक र नारायणीमा भने दुई प्रतिशतको हाराहारीमा खराब कर्जा रहेको छ । जसमध्ये मितेरीमा दुई दशमलव ८६ प्रतिशत कर्जा खराब रहेको छ भने नारायणीमा दुई दशमलव ८३ प्रतिशत कर्जा खराब रहेको छ ।
गत आवको सोही अवधिमा यी बैंकहरुमा यस्तो कर्जाको अनुपात क्रमशः एक दशमलव ३१ र चार दशमलव ६० प्रतिशत रहेको थियो । चालू आवको पछिल्लो अवधिमा गरिमा र शाइन रेसुंगा डेभलपमेन्ट बैंकमा भने क्रमशः एक दशमलव ८९ र एक दशमलव ३१ प्रतिशत कर्जा खराब रहेको छ । गत आवको सोही अवधिमा यी बैंकहरुमा यस्तो कर्जाको अनुपात क्रमशः शून्य दशमलव ९६ र शून्य दशमलव ९८ प्रतिशत रहेको थियो ।
क्याटेगोरी : समाचार
ताजा अपडेट
- आर्जन सहकारीको सम्पूर्ण सूचक सकारात्मक
- घोराही सिमेन्टको ‘ढलाई मिक्स पीपीसी सिमेन्ट’ बजारमा
- लुम्बिनी लायन्सको जर्सीको औपचारिक अनावरण
- ‘फेस्टिभ सेलिब्रेसन’का विजेतालाई उपहार प्रदान
- लक्ष्मी सनराइज बैंकको गल्फ प्रतियोगिता
- सन नेपाल लाइफको प्रदेशस्तरीय मार्केटिङ म्यानेजर सम्मान कार्यक्रम
- भरतपुरको गीतानगरमा कृषि विकास बैंकको नयाँ शाखा
- सिद्धार्थ बैंकको व्यवस्थित लगानी कोषको आकार एक अर्ब नाघ्यो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया