काठमाडौं, चैत ३
नेपाल स्टक एक्सचेन्ज लिमिटेड (नेप्से)मा चालू आर्थिक वर्षको छ महिनाको अवधिमा ५३ अर्ब १४ करोड रुपैयाँबराबरको सेयर सूचीकृत भएका छन् । नेपाल राष्ट्र बैंकको चालू आर्थिक वर्षको छ महिनाको देशको वर्तमान आर्थिक तथा वित्तीय अवस्थासम्बन्धी प्रतिवेदनअनुसार यस अवधिमा १५ अर्ब ४६ करोडबराबरको डिबेन्चर, १४ अर्ब ३३ करोडबराबरको बोनस सेयर, १० अर्ब ५६ करोडबराबरको साधारण सेयर, पाँच अर्ब ७५ करोड बराबरको म्युचुअल फण्ड, दुई अर्ब ५६ करोडबराबरको हकप्रद सेयर र चार अर्ब ४७ करोडबराबरको अन्य गरी कुल ५३ अर्ब १४ करोडबराबरको थप धितोपत्र सूचीकृत भएका छन् ।
राष्ट्र बैंकका अनुसार समीक्षा अवधिमा नेपाल धितोपत्र बोर्डले १६ अर्ब ५० करोडबराबरको डिबेन्चर, दुई अर्र्ब ४७ करोडबराबरको हकप्रद सेयर, एक अर्बको म्युचुअल फण्ड र ३४ करोडको साधारण सेयर गरी २० अर्ब ३१ करोडबराबरको धितोपत्र निष्काशन गर्न अनुमति दिएको छ । राष्ट्र बैंकका अनुसार २०७५ पुस मसान्तमा ११ सय ७८ विन्दुमा रहेको नेप्से सूचकांक २०७६ पुस मसान्तमा १२ सय ६३ दशमलव चार विन्दु कायम भएको छ । २०७६ असार मसान्तमा यस्तो सूचकांक १२ सय ५९ रहेको थियो । धितोपत्र बजार पँुजीकरण वार्षिक विन्दुगत आधारमा १२ दशमलव एक प्रतिशतले वृद्धि भई २०७६ पुस मसान्तमा १६ खर्ब १० अर्ब ६९ करोड कायम भएको छ । राष्ट्र बैंकका अनुसार २०७६ असार मसान्तमा बजार पुँजीकरण १५ खर्ब ६७ अर्ब ५० करोड रहेको थियो । नेपाल स्टक एक्सचेन्ज लिमिटेडमा सूचीकृत कम्पनीहरूको संख्या २०७६ पुस मसान्तमा दुई सय १२ रहेको छ ।
राष्ट्र बैंकका अनुसार नेप्सेमा सूचीकृत कम्पनीहरुमध्ये एक सय ४९ बैंक तथा वित्तीय संस्था र बीमा कम्पनी रहेका छन् भने ३२ जलविद्युत् कम्पनी, १९ उत्पादन र प्रशोधन उद्योग, ४/४ होटल तथा व्यापारिक संस्था र चार अन्य समूहका रहेका छन् । २०७६ असारमा सूचीकृत कम्पनीहरूको संख्या दुई सय १५ रहेको थियो । सूचीकृत कम्पनीहरूमध्ये बैंक तथा वित्तीय संस्था र बीमा कम्पनीको धितोपत्र बजार पुँंजीकरणको हिस्सा ७९ दशमलव तीन प्रतिशत रहेको छ । त्यसैगरी जलविद्युत् कम्पनीकोे हिस्सा छ दशमलव तीन प्रतिशत, उत्पादन र प्रशोधन उद्योगको हिस्सा तीन दशमलव सात प्रतिशत, होटलको हिस्सा एक दशमलव छ प्रतिशत, व्यापारिक संस्थाको हिस्सा शून्य दशमलव तीन प्रतिशत तथा अन्य समूहका कम्पनीहरुको हिस्सा आठ दशमलव आठ प्रतिशत रहेको छ । नेपाल स्टक एक्सचेन्ज लिमिटेडमा २०७६ पुस मसान्तसम्ममा सूचीकृत चार अर्ब ६२ करोड सेयर संख्याको चुक्ता मूल्य चार खर्ब ५२ अर्ब ५३ करोड रहेको छ ।
क्याटेगोरी : समाचार
ताजा अपडेट
- पूर्वगृहमन्त्री लामिछानेलाई कास्की जिल्ला अदालतमा उपस्थित गराइँदै
- ज्वलनपीडितको निःशुल्क उपचार प्रयासमा सरकार
- कर्णालीमा एक हजार सात सय बढी नयाँ उद्योग दर्ता
- राजस्व सङ्कलनको लक्ष्य पूरा गर्नेतर्फ उन्मुख वीरगञ्ज भन्सार
- चिनियाँ नेताको प्रधानमन्त्री ओलीसँग भेट
- हालसमम्मकै उच्च बिन्दुमा पुग्यो सुनको मूल्य
- काठमाडौंले काठमाडौं बचाउन सक्ला ?
- नेपालमा दृष्टिविहीन क्रिकेटको सम्भावना
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया