स्कुल बसको ठक्करबाट एक वृद्धको मृत्यु

धनगढी । स्कुल बसले ठक्कर दिदा कैलालीमा ६५ वर्षीय वृद्धको मृत्यु भएको छ । गोदावरी नगरपालिका-६ को खैरानामा माउन्ट शैपाल स्कुलको से१क ४४१ नम्बरको बसले ठक्कर दिदा सोही ठाउँ बस्ने बाटुबट्टे आलेमगरको मृत्यु भएको प्रहरीले जनाएको छ ।

बसको ठक्करबाट गम्भीर घाइते भएका आलेमगरको उपचारका क्रममा सेती प्रादेशिक अस्पतालमा मृत्यु भएको सुदूरपश्चिम प्रदेश ट्राफिक प्रहरी कार्यालय अत्तरियाकाले जनाएको हो । उनको शव परीक्षणका लागि प्रादेशिक अस्पतालमा राखिएको छ ।

दोषीलाई कारबाही र मृतकका परिवारलाई क्षतिपूर्तिको माग गर्दै घटनाको विरोधमा स्थानीयले पूर्वपश्चिम राजमार्ग अवरुद्ध गरेका छन् । उनीहरुले राजमार्गमा अवरोध सिर्जना गरेपछि सवारीसाधन चल्न सकेको छैन् ।

धनगढी उपमहानगरपालिका १३ बस्ने ३५ वर्षीय खुसीराम चौधरी (बस र चालक)लाई इलाका प्रहरी कार्यालय मालाखेतीले नियन्त्रणमा लिएको बताइएको छ ।