प्रधानमन्त्रीद्वारा ओखलढुङ्गा सवारी दुर्घटनाप्रति दुःख व्यक्त

काठमाडौं । ओखलढुङ्गामा आइतबार भएको सवारी दुर्घटनामा परी घाइते भएकाको तत्काल उद्धार गर्न प्रधानमन्त्री पुष्पकमल दाहाल ‘प्रचण्ड’ ले निर्देशन दिएका छन् ।

प्रधानमन्त्रीले घाइतेलाई तत्काल हेलिकोप्टरमार्फत उद्धार गर्न सेनाले उद्धार कार्य अघि बढाएको सामाजिक सञ्जालमार्फत जानकारी दिएका छन् । ओखलढुङ्गा जिल्लाको चिशङ्खुगढी गाउँपालिका दियालेमा भएको सवारी दुर्घटनाप्रति दुःख व्यक्त गर्दै प्रधानमन्त्रीले भनेका छन्, “मृतकप्रति श्रद्धाञ्जली व्यक्त गर्दै तीव्र उद्धार कार्यका लागि निर्देशन दिएको छु ।”