नेपाल अमेरिका सैन्य वार्ता हुँदै

काठमाडौं,नेपाली सेना र अमेरिकी सेनाबीच सैन्य वार्ता हुने भएको छ । नौ महिनापछि दुई देशका सेनाबीच आपसी सहकार्यबारे चैत १३ देखि १५ गते सम्म काठमाडौंमा संयुक्त द्विपक्षीय बैठकको बार्ता हुने भएको हो ।

नेपालले अमेरिकाको स्टेट पार्टनरसिप प्रोग्राम (एसपिपी) अस्वीकार गरेको नौ महिनापछि दुई देशका सेनाहरुबीच बैठक हुन लागेको हो ।

बैठकमा दुबै देशका दुई तारे जर्नेलले प्रतिनिधिमण्डलको नेतृत्व गर्नेछन् । वार्ता विपत् व्यवस्थापन क्षमता तथा शान्ति स्थापक सेनाको क्षमता बृद्धिका विषयमा हुने भएको छ ।