तरकारी बारीमै सुक्न थालेपछि किसान चिन्तित
सोलुखुम्बु,चैत २७
लकडाउनका कारण तरकारी बारीमै सुक्न थालेपछि किसान चिन्तित बनेका छन् । विश्वभर फैलिरहेको कोरोना भाइरस जोखिमका कारण अहिले देश लकडाउनमा रहेको छ । जसले गर्दा किसानले उत्पादन गरेको तरकारी बारीमै सुकेको हो । अहिले लकडाउन लम्बिदै गएको छ । आपूmहरूले उत्पादन गरेको तरकारी बारीमै सुकेको सोलुखुम्बु सोलुदुधकुण्ड नगरपालिका वडा नम्बर ७ गार्माका कृषक ग्याल्जेन शेर्पाले बताए ।
उनका अनुसार बजारका लागि उत्पादन गरिएको साग, धनियाँ, टमाटर, हरियो प्याजलगायतका तरकारीहरू बजार बन्द हुँदा बारीमै सुकेर खेर जान थालेका हुन् । लकडाउनका कारण सबैतिर बजार पसल बन्द रहेका छन । सवारी साधनहरू चल्न नसक्दा उत्पादित तरकारीहरू बजारमा पु¥याउन नसकेको नगरपालिका वडा नम्बर ११ तिङलाका कृषक धनबहादुर बस्नेतको भनाइ छ ।
बोकेरै भए पनि बजारसम्म पु¥याउनका लागि आपूmहरू तयार रहेको भए पनि बजार नलागेकाले थप समस्या भएको उनले बताए । तरकारीलाई नै आम्दानिको मुख्य स्रोत बनाएका किसान अहिले बजार बन्द हुँदा समस्या उत्पन्न भएको बताउने गरेका छन् । नगरपालिका तथा अन्य स्थानबाट समेत सदरमुकाम सल्लेरीस्थित साप्ताहिक हाटमा बिक्रीका लागि तरकारी तथा अन्य उपभोग्य वस्तुहरू ल्याउने गरिन्छ । अहिले सो साप्ताहिक हाट ३ हप्तादेखि बन्द रहेको छ ।
जसका कारण किसानले उत्पादन गरेको कृषि उपज बारीमा नै नष्ट हुने अवस्था सृजना भएको छ । किसानले उत्पादन गरेको तरकारीले बजार नपाइरहेको समयमा सदरमुका सल्लेरीमा बसोबास गर्नेहरूले भने हरियो तरकारी खान नपाएको गुनासो गरिरहेका छन । बजार नलागेकाले अरियो तरकारी पाउन छाडेको सल्लेरीका स्थानीयले बताएका छन् ।
कोही कसैले आफ्नै घरमा लगाएर खाने गरेकको भए पनि सरकारी कार्यालयका कर्मचारीको भान्सामा भने हरियो तरकारी पाक्न छाडेको छ । आलुमा रातो मिलाको प्रक्रोप सोलुखुम्बुको तिङलाका कृषकहरूले उत्पादन गरेको आलुमा रातो कमिलाको प्रकोप देखिएको छ । सोलु दुधकुण्ड नगरपालिका ११ तिङ्ला क्षेत्रका सानहरूले उत्पादन गरेका हिउँदे आलुमा रातो कमिलाको प्रकोप देखापरेको किसानहरूको भनाइ छ ।
रातो कमिलाले आलुको भित्री भागमा प्रवेश गरी भित्रभित्रै खोक्रो पार्ने गरेको स्थानीय कृषक मुना राईको बताइन् । आम्दानी होला कि भनेर लगाइएको आलु कमिलाले सखाप पारेपछि चिन्ता बढेको राईको भनाइ छ । आयआर्जनमा केही सुधार हुने विश्वासका साथ लगाएको आलुमा कमिलाले सखाप पार्दा थप चिन्ता बढेको अर्का कृषक मकरबहादुर राईले गुनासो गरे ।
आपूmहरूले घरकै लागि मात्र केही मात्रमा आलु लगाएको भए पनि बारीमै किराले खोक्रो बनाउँदा गाउँले निराश बन्दै गएको अर्का कृषक शौमाया सार्कीले बताइन् । तिङ्लाको बासीगाउँ, देउराली, ढोरेनी, खाल्पालगायतको क्षेत्रमा हिउँदे आलु उत्पादन हुने गरेको छ । तर, कमिलाले सखाप बनाएपछि किसानको चिन्ता बढेको छ । अहिलेको लकडाउनका कारण कुनै पनि प्राविधिकसमेत नआउने भएकाले पनि किसानहरू थप मर्कामा परेका छन् ।
क्याटेगोरी : समाचार
ताजा अपडेट
- इजरेल किन अधीनस्थ वेस्ट ब्याङ्कमा बस्ती बसाउने काम रोक्दैन ?
- दुर्घटना अपडेटः बसको ठक्करबाट घाइते महिलाको पनि मृत्यु
- उदाउँदो चन्द्रमालाई अघ्र्य दिँदै चौठचन्द्र पर्व सम्पन्न
- राजनीतिक परिवर्तनप्रति कर्मचारीहरुले गरेको योगदान प्रशंसायोग्य छ :प्रधानमन्त्री
- हरितालिका (तीज) : पशुपतिनाथलगायत देशभरका शिवालयमा बिहानैदेखि भीड
- संयुक्त राष्ट्रसङ्घको महासभामा भाग लिन प्रधानमन्त्री ओली न्यूयोर्क जानुहुने
- जेष्ठ नागरिकको अवस्था
- नेपालको वैदेशिक व्यापारमा चुनौतीहरू
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया