काठमाडौं । विश्वमा सञ्चालन हुने विभिन्न खेल तथा अनलाइन गतिविधिमा सट्टेबाज (जुवा) खेल्न प्रयोग हुने ‘वान एक्स बेट’मार्फत ७४ करोड १३ लाख रूपैयाँ बराबरको कारोबार गर्ने गिरोहलाई प्रहरीले पक्राउ गरेको छ ।
काठमाडौं उपत्यका अपराध अनुसन्धान कार्यालयले ‘वान एक्स बेट’मा सक्रिय रहेका पाँच जना एजेन्टहरूलाई पक्राउ गरी बुधबार सार्वजानिक गरेको छ । उनीहरूलाई प्रहरीले मंगलबार उपत्यकाको मैजुबहाल, मध्यपुर ठिमी, सानो भ-याङ, बुद्धनगरलगायतका स्थानबाट पक्राउ गरेको हो । पक्राउ पर्नेहरूमा कैलाली लम्कीचुहाका २९ वर्षीय दिनेश खड्का, काभ्रेपलान्चोक पाँचखालकी २८ वर्षिया अनिता धिताल, भक्तपुर मध्यपुर ठिमीका २७ वर्षीय दिपेश श्रेष्ठ, कञ्चनपुर भीमदत्तका २५ वर्षीय दिनेश चन्द र नुवाकोट ककनीका २४ वर्षीय आशीष लामिछाने रहेका छन् ।
प्रहरीका अनुसार एकै व्यक्तिले ६४ करोड रूपैयाँसम्मको अवैध कारोबार गरेको फेला परेको छ । कैलालीका दिनेशले राम विलास थारु, तेजबहादुर खड्का, नवीन चौधरी, अनिता धितालको कागजात प्रयोग गरेर १२ जनाको नाममा खाता खोलेर ६४ करोड रूपैयाँ बराबरको कारोबार गरेको देखिएको प्रहरीले जनाएको छ । सट्टेबाजको मुख्य एजेन्टको रूपमा सक्रिय रहेका दिनेशले सट्टेबाजको रकम प्रयोग गर्न ६३ वटा खाता खोलेको भेटिएको कार्यालयका प्रमुख प्रहरी वरिष्ठ उपरीक्षक डा मनोज केसीले जानकारी दिए । यस्तै आशिषले तीन करोड रूपैयाँ कारोबार गरेको फेला परेको छ भने दिपेशले पाँच करोड ५४ लाख रूपैयाँ कारोबार गरेको फेला परेको प्रहरी उपरीक्षक डा केसीले बताए । उनका अनुसार आशीषको साथबाट प्रहरीले ३७ लाख रूपैयाँ बरामद गरेको छ । उनीहरूको साथबाट ल्यापटप, मोबाइल, सिमलगायत विभिन्न सामग्री बरामद गरिएको प्रहरीले जनाएको छ ।
यस्तै, उनीहरूले क्रिप्टो करेन्सीको कारोबार गरेको प्रमाणसमेत फेला परेकाले राष्ट्र बैंक ऐन र जुवा ऐनबमोजिम मुद्दा अघि बढाउने तयारी गरेको प्रहरीले जनाएको छ ।
क्याटेगोरी : समाचार, सुरक्षा अपराध
ट्याग : #Page 8
ताजा अपडेट
- जिपि कोईराला फाउन्डेशन अमेरीकाद्वारा शुभकामना आदान-प्रदान कार्यक्रम सम्पन्न
- खोज र अध्ययनले समृद्ध न्यायिक इतिहास निर्माण गर्न सकिन्छ : प्रधानन्यायाधीश
- माओवादी केन्द्रको सडक आन्दोलन,सरकार असफल भएको निष्कर्ष
- कोप–२९ मा हिमालदेखि समुद्रसम्मका विषय सशक्त रुपमा उठाइनेछ: प्रधानमन्त्री
- राजस्व कार्यालयद्वारा पहिलो तीन महिनामा लक्ष्यको ८५ प्रतिशत राजस्व सङ्कलन
- नेपालको वित्तीय अवस्था सन्तोषजनक छः गभर्नर अधिकारी
- कोप–२९ लाई अर्थपूर्ण बनाउन आज राष्ट्रिय जलवायु सम्मेलन हुँदै
- आसोजमा नौ हजार पर्यटक सगरमाथा क्षेत्र पुगे
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया