नेपालमा एकैदिन १४ सहित ३१ जनामा कोरोना सङ्क्रमण एकैदिन दुई जना डिस्चार्ज
काठमाण्डौं,वैशाख ७
कोरोना भाइरस (कोभिड–१९)को सङ्क्रमण थप १४ जनामा शुक्रबार एकैदिन देखिएको छ । स्वास्थ्य तथा जनसङ्ख्या मन्त्रालयका सहप्रवक्ता डा. समिर अधिकारीले उदयपुरमा १२ र चितवनमा दुई जनामा परीक्षणका क्रममा सङ्क्रमण देखिएको बताए । उदयपुरमा एकै ठाउँमा भेटिएका ती १२ जनामध्ये एक जना मात्र नेपाली हुन् । अरु सबै भारतीय नागरिक हुन् । शनिबार पनि नेपालभित्रै थप एकजना भारतीयमा कोरोना संक्रमण भएको फेला परेको छ ।
नेपालमा एकै दिन यति धेरै सङ्ख्यामा सङ्क्रमित रहेको पहिलोपटक हो । यसअघि छिटफुटरुपमा परीक्षणका क्रममा सङ्क्रमित भेटिएका थिए । योसँगै सङ्क्रमितको सङ्ख्या ३० पुगेको छ । नेपालमा पहिलो पटक गत माघ ९ गते र दोस्रो पटक गत चैत १० गते विदेशबाट आएका व्यक्तिमा सङ्क्रमित देखिएको थियो । उनीहरूको राष्ट्रिय जनस्वास्थ्य प्रयोगशाला टेकुमा थप परीक्षणका लागि पठाएपछि कोरोना सङ्क्रमण भएको पुष्टि भएको हो । यसअघि गत मङ्गलबार पेप्सिकोलास्थित सनसिटी अपार्टमेन्टमा बस्ने दुई जनामा सङ्क्रमण देखिएको हो ।
सहप्रवक्ता डा. अधिकारीका अनुसार उदयपुरमा सङ्क्रमण देखिएका सवै पुरुष रहेका र तिनीहरू नुरी मस्जिदमा रहेका थिए । यसैगरी चितवनमा दुई आमा छोरालाई सङ्क्रमण देखिएको हो । ती सङ्क्रमितको सम्पर्क (कन्याट्क टे«सिग) भइरहेको छ । उदयपुरमा सङ्क्रमित १२ जना पुरुष ३४ वर्ष, २९ वर्ष, २६ वर्ष, २८ वर्ष, २८ वर्ष, २८ वर्ष, २८ वर्ष, २२ वर्ष, २५ वर्ष, २० वर्ष, ४० वर्ष र २९ वर्षका रहेका छन् । उनीहरुलाई विराटनगर लगेर कोशी अस्पतालमा उपचार गर्न थालिएको सरकारले जनाएको छ । उनीहरुको स्वास्थ्य अवस्था राम्रो रहेको अस्पतालले जनाएको छ । साथै उनीहरुको सम्पर्कमा आएका व्यक्तिहरुको खोजी कार्य जारी राखिएको पनि सरकारले जनाएको छ ।
यसैगरी भरतपुर अस्पतालका अध्यक्ष डा भोजराज अधिकारीका अनुसार राप्ती नगरपालिका–८ ब्रह्मनगरका ६३ वर्षीय महिला र उनका २७ वर्षका छोरामा कोरोना सङ्क्रमण भएको हो । उनीहरु दुवै बेलायतबाट गत चैतको पहिलो साता कतार एयरवेज हुँदै काठमाडौँ आएका हुन् ।
यसैगरी कोरोना लागेपछि उपचारका लागि अस्पताल भर्ना भएका दुई महिला शनिबार अस्पतालबाट डिस्चार्ज भएका छन् । टेकुको शुक्रबार ट्राफिक अस्पतालबाट काठमाडौंकी प्रसिद्धि श्रेष्ठ डिस्चार्ज भएकी हुन् । उनी नेपालकै दोस्रो कोरोना पीडित हुन् । उनी चैत ४ गते फ्रान्सबाट काठमाडौं आएकी थिइन् । भियतनामको साथीमा कोरोना संक्रमण भएको पुष्टि भएपछि उनी चैत ९ गते परीक्षणका लागि टेकु पुगेकी थिइन् ।
नमूना परीक्षणमा कोरोना पुष्टि भएपछि उनको त्यही उपचार सुरु गरिएको थियो । माघ ९ गते कोरोना देखिएका एक युवक पनि उपचार गरेर यसअघि नै घर फर्किसकेका छन् । त्यस्तै, शनिबार नै बागलुङमा एक वृद्धा पनि कोरोनामुक्त भएपछि अस्पतालबाट डिस्चार्ज भएकी छिन् । ६५ वर्षीया ती वृद्धालाई चैत २० गते कोरोना भएको पुष्टि भएको थियो । उनी बेल्जियमबाट नेपाल आएकी थिइन् । उनलाई धौलागिरि अस्पतालमा उपचार गरिएको थियो ।
क्याटेगोरी : समाचार
ताजा अपडेट
- सङ्क्रमणकालीन न्यायनिरुपणका लागि समिति पुनर्गठन गर्ने सरकारको निर्णय
- बागमती प्रदेशको अध्यक्षमा महेश्वर श्रेष्ठ नियुक्त
- जलवायु परिवर्तनको असर विकराल बन्दै गएको छ: उपप्रधानमन्त्री सिंह
- इजरायली प्रधानमन्त्रीको निवासमा ड्रोन हमला
- जी–७ को रक्षा शिखर सम्मेलन इटालीमा सुरु
- अमेरिकी बजेट घाटा करिब दुई ट्रिलियन बढ्यो
- चीनको जीडीपी चार दशमलव छ प्रतिशत बढ्यो
- बजार परिसुचक २६ सय ९७ बिन्दुमा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया