प्रचारप्रसार अभावले ओझेलमा हनुमन्ते डाँडा, विश्वकै अग्लो हनुमानको मूर्ति बनाउने हल्ला मात्रै

दोलखा । प्रचारप्रसार अभावले दोलखाको पर्यटकीय स्थल हनुमन्ते डाँडा ओझेलमा परेको छ । पौराणिक धार्मिक मान्यता बोकेको हनुमन्ते डाँडा वैतेश्वर गाउँपालिका र जिरी नगरपालिकाको सिमानामा अवस्थित छ ।

दोलखा सदरमुकाम चरिकोटदेखि २५ किलोमिटर नजिक रहेको हनुमन्ते डाँडामा गुफा र हनुमानको मूर्ति छ । यहाँको हनुमानको मूर्ति आफँै उत्पत्ति भएको जनविश्वास पनि छ । पुरानो मूर्ति केही वर्षअघि चोरी भएकोले हालै नयाँ मूर्ति स्थापना गरिएको छ । भगवान् रामका भक्त हनुमानको नामबाट प्रसिद्ध हनुमन्तेडाँडा समुन्द्र सतहदेखि तीन हजार दुई सय मिटर उचाइमा रहेको छ ।