महेन्द्र शाही
सोलुखुम्बु, असार २२
बर्सात लागेसँगै सोलुखुम्बुको ग्रामीण सडकहरु जीर्ण बनेपछि यातयात सञ्चालनमा चुनौती थपिएको छ । जिल्लाका अधिकांश सडक वर्षाका कारण भत्किँदै गएको भए पनि समयमै मर्मत र स्तरउन्नति हुन नसक्दा सवारी आवागमनमा समस्या आएको स्थानीयको गुनासो छ ।
जिल्लाको सदरमुकाम सल्लेरीबाट गाउँ–गाउँ जोड्ने अधिकांश सडकको अवस्था निकै जीर्ण रहेका कारण यात्रु र सवारी साधनले सास्ती खेप्न बाध्य बनेको यातयात व्यवसायी दोर्जी शेर्पाले बताए । ‘सबै सडक हिलाम्मे छन्, गाडी गुडाउन निकै समस्या हुन्छ’, उनले भने । सडक पुनर्निर्माण तथा स्तरोन्नतिमा बर्सेनी करोडौँ खर्च हुँदै आए पनि गुणस्तरीय कार्य हुन नसक्दा बर्सेनी यात्रु तथा चालकले सास्ती खेप्नुपरेको सवारी चालक प्रकाश घतानीको भनाइ छ ।
हिउँदमा मर्मत गरे पनि पानीले सबै सडकलाई बगर बनाउँदा समस्या हुने गरेको उनले सुनाए । साथै मापदण्ड तथा प्राविधिक स्टामेटबिना आफूखुसी सडक मर्मत एवं ट्र्याक ओपन कार्य गरिँदा पनि बर्र्सातमा सडक जीर्ण बन्नेगरेको सर्वसाधरणको गुनासो छ ।
कतिपय सडक स्तरउन्नतिका नाममा न्यून गुणस्तरका कच्चापदार्थको प्रयोगका कारण पिच भएका सडकहरु समेत छोटो समयमै भत्किएको सल्लेरीका निरकुमार नेपालीले गुनासो गरे । जिल्लाको अधिकांश बस्ती ग्रामीण भेगमा पर्ने भएकाले सडक जीर्ण भएसँगै दैनिक उपभोग्य वस्तुको मूल्य समेत बढ्ने स्थानीयको चिन्ता छ । सोलुदूधकुण्ड नगर क्षेत्रमा पर्ने सदरमुकाम सल्लेरी बजारसहित तामाखानी, लोदिङ, खोलाघारी, बेनी, टाक्सिन्दुलगायतका क्षेत्रको सडक अत्यन्तै जीर्ण रहेको सवारी चालकहरुले बताएका छन् ।
त्यसैगरी माप्यदूधकोशी क्षेत्रको सडक, लिखुपिके क्षेत्रका सडकहरु समेत सवारी सञ्चालन गर्न चुनौती रहेको यातयात व्यवसायीको भनाइ छ । बर्र्सातका कारण जीर्ण बनेका सडकमा यातयात सञ्चालन गर्नुपर्दा दुर्घटनाको जोखिम समेत उच्च बनेको सवारी चालकहरुले बताउने गरेका छन् । हिमाल तथा पहाडका सडकहरु ट्र्याक ओपन मात्रभन्दा पनि सोलिङ वा ढलान गर्न नसक्ने हो भने यो समस्या वर्षौंसम्म जस्ताको तस्तै रहनेछ ।
क्याटेगोरी : बिबिध
ताजा अपडेट
- अरुण नदीमा पूजा गर्ने क्रममा एक जना बेपत्ता
- चार महिनामा साढे चार खर्ब व्यापार घाटा
- ‘क्रेडिट रेटिङ’ पछि नेपालले लिनुपर्ने लाभ के हो ?
- समाजवाद स्थापना नभएसम्म क्रान्तिबाट विश्राम लिइन्न : महासचिव चन्द
- कञ्चनपुरको कलुवापुरमा बस दुर्घटना हुँदा ३१ जना घाइते
- इन्भेष्टमेन्ट कम्पनीको शेयर कारोबारसम्बन्धी नयाँ प्राबधान
- काठमाडौँमा शनिबार तीन शव भेटिए
- चिनियाँ दूतावासद्वारा ‘क्षत्रपाटी निःशुल्क चिकित्सालय’ लाई विद्युतीय सवारी हस्तान्तरण
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया