महेन्द्र शाही
सोलुखुम्बु, भदौ ३
सोलुखुम्बुबाट सोमबार दुई सुत्केरीको हेलिकोप्टरमार्फत उद्धार गरिएको छ । जिल्लाको नेचासल्यान गाउँपालिका वडा नम्बर १ र खुम्बु पासाङल्हामु गाउँपालिका वडा नम्बर २ बाट एक–एक सुत्केरी महिलाको हेलिकोप्टरमार्फत उद्धार गरी काठमाडौँ लगिएको हो । उनीहरूको स्वास्थ्य अवस्था कमजोर भएको र जिल्लामा उपाचार हुन नसकेपछि उद्धार गरी काठमाडौँ लगिएको हो । उनीहरूको स्वास्थ्य अवस्था सामान्य रहेको सोलुखुम्बुकी निमित्त प्रमुख जिल्ला अधिकारी लक्ष्मीकुमारी शाहीले जानकारी दिइन् ।
निमित्त प्रमुख जिल्ला अधिकारी शाहीका अनुसार नेचासल्यान गाउँपालिका वडा नम्बर १ की २५ वर्षीया मनिषा तामाङको शिशुको अवस्था अत्यन्त जटिल भएकाले आमा र शिशुलाई उपचारका लागि काठमाडौं लगिएको हो । त्यस्तै खुम्बु पासाङल्हामु गाउँपालिका वडा नम्बर २ की ३५ वर्षीया कामिनी तामाङको साल अड्किएकाले उद्धार गरी थप उपचारका लागि काठमाडौं पठाइएको हो । दुवै महिलालाई राष्ट्रपति महिला उद्धार कार्यक्रमअन्तर्गत नेपाली सेनाको हेलिकोप्टरमार्फत उद्धार गरिएको हो ।
प्राथमिक स्वास्थ्य केन्द्र सल्यानमा सुत्केरी भएकी मनिषाको अवस्था सामान्य भए पनि शिशुलाई भने कृत्रिम श्वास दिएर बचाइएको स्वास्थ्य केन्द्र सल्यानका प्रमुख डा. अभिषेक सुमनले बताए । जिल्लामा उपचार हुन नसक्ने भएपछि राजधानी पठाइएको उनको भनाइ छ । शिशुको अवस्था अति जटिल भई तत्काल सघन उपचार कक्षमा राखेर उपचार गराउनुपर्ने भएकाले कान्ति बाल अस्पताल काठमाडौं लगिएको छ ।
यस्तै खुम्बु पासाङल्हामुबाट उद्धार गरिएकी महिलाको भने प्रसूति गृह थापाथलीमा उपचार भइरहेको छ । सोलुखुम्बु जिल्लाबाट हालसम्म ९ जना महिलाको उद्धार गरिएको छ । राष्ट्रपति महिला उद्धार गरिएकाहरूमा जिल्लाको महाकुलुङ गाउँपालिकाका तीन जना, सोताङ र खुम्बु पासाङल्हामु गाउँपालिकाबाट दुई/दुई जना, र नेचासल्यान गाउँपालिकाबाट एक जना रहेका छन् ।
क्याटेगोरी : बिबिध
ताजा अपडेट
- विवाह पञ्चमीलाई व्यवस्थित बनाउन दुई हजारबढी सुरक्षाकर्मी परिचालन
- प्रधानमन्त्री ओलीसँग राष्ट्रिय फोटो पत्रकार समूहको भेट
- २७ सय ५६ बिन्दुमा उक्लियो शेयर बजार
- रुपन्देहीमा आयल निगमको लुम्बिनी प्रादेशिक भण्डारण गृह बन्ने
- संविधानको मूलभूत विषयमा कसैले चाहेर पनि संशोधन हुँदैन: थापा
- प्रधानमन्त्री ओली मंसिर १७ गते चीन जाने
- तत्काल उद्योगको लाइन नकाट्ने समितिको बैठकको निर्णयमा दुई सञ्चालकको फरक मत
- सर्वोच्चद्वारा सुन व्यवसायमा संघको सिन्डिकेट रोक्न अन्तरिम आदेश
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया