बटुकनाथ झा
जनकपुरधाम, भदौ १५
प्रदेश नम्बर दुईमा आइतबार थप २ सय २७ जनामा कोरोना संक्रमण देखिएसँगै यस प्रदेशमा संक्रमितको संख्या १० हजार २२ पुगेको छ । सामाजिक विकास मन्त्रालयका वरिष्ठ जनस्वास्थ्य प्रशासक विजय झाका अनुसार पछिल्लो २४ घण्टामा ५६ महिला र १ सय ७१ पुरुषमा कोरोना संक्रमण पुष्टि भएको छ ।
सबैभन्दा बढी धनुषामा ७१ जनामा कोराना संक्रमण देखिएको छ । यस्तै पर्सामा ४९ जना, सर्लाहीमा ३५ जना, बारामा ३० जना, महोत्तरीमा ३५ जना, सिरहामा २ जना, सप्तरीमा ४ जना र रौतहटमा १ जनामा कोरोना पुष्टि भएको छ । थपिएका संक्रमितमध्ये मुख्यमन्त्री कार्यालयका समेत १ जना रहेका छन् । यस्तै स्वास्थ्यकर्मी, प्रहरी, बैंक कर्मचारी, सरसफाइ कर्मचारीहरू समेत संक्रमित भएका छन् । प्रदेश २ मा कैयौँ स्वास्थ्यकर्मीमा समेत कोरोना पुष्टि भएपछि उपचार सेवा नै प्रभावित बनेको छ । कतिपय चिकित्सक समेत कोरोनाबाट डराइरहेका छन् ।
धनुषा जिल्लामा भदौ २१ गतेसम्म लकडाउन : धनुषा जिल्लामा जारी लकडाउनलाई बढाएर भदौ २१ गतेसम्मको लागि थप गरिएको छ । धनुषाका प्रमुख जिल्ला अधिकारी प्रेमप्रसाद भट्टराईले आइतबार सूचना जारी गर्दै लकडाउनलाई भदौ २१ सम्म बढाएको जानकारी दिएका छन् । कोभिड १९ को संक्रमण रोकथाम र नियन्त्रणका लागि भदौ २१ गते राति १२ बजेसम्मको जिल्लाभरि लकडाउन जारी गरिएको जनाइएको छ । यसअघि भदौ सात गतेसम्मको लकडाउनलाई थप गरी भदौ १४ गतेसम्मको पु-याइएको थियो ।
विगत केही दिनदेखि धनुषा जिल्लामा प्रायः हरेक दिन एक जनाको कोरोनाका कारण मृत्यु हुनेगरेको छ भने दैनिक दर्जनौँ संक्रिमित भइरहेका छन् । आइतबार बसेको जिल्ला सुरक्षा समितिको बैठकले स्थानीय प्रशासन ऐन २०२८ को दफा ६ को उपदफा ३ बमोजिम र संक्रामक रोग ऐन २०२० को दफा २ बमोजिम निषेधाज्ञा जारी गरिएको जारी जिल्ला प्रशासनबाट जारी सूचनामा उल्लेख गरिएको छ ।
क्याटेगोरी : बिबिध
ताजा अपडेट
- दुर्गा प्रसाईँको कसुर ‘पटके अपराध’ कायम भयो भने सजायमा के फरक पर्छ
- नेपाल-भारत सीमा सुरक्षा अधिकारीको बैठकमा छलफल भएका मुख्य चार विषय
- राष्ट्रिय गौरवका आयोजनालाई प्राथमिकता दिन रक्षा मन्त्रीको जोड
- विद्युत् विकासका लागि जर्मनीले एक अर्ब ४६ करोड अनुदान दिने
- बाढीपहिरोबाट ऊर्जा र सिँचाइ क्षेत्रमा १३ अर्ब बढीको क्षति
- शान्ति प्रक्रियालाई शीघ्र टुङ्ग्याउनुपर्नेमा आयोगको जोड
- अष्ट्रेलियाका राजदूत र प्रधानमन्त्री ओलीबिच शिष्टाचार भेट
- विश्व खाद्य संगठनका प्रतिनिधि र ऊर्जामन्त्री खड्काबिच भेटवार्ता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया