प्रदेश २ मा ४ वर्षीय बालिकासहित ४ जनाको कोरोना संक्रमणबाट मृत्यु, मृतकको संख्या ९० पुग्यो
बटुकनाथ झा
जनकपुरधाम, भदौ १६
प्रदेश २ मा ४ वर्षीय बालिकासहित ४ जनाको कोरोना संक्रमणबाट मृत्यु भएको छ । महोत्तरीमा दुईजना तथा रौतहट र पर्सामा १–१ जनाको कोरोना संक्रमणबाट मृत्यु भएको स्वास्थ्य निर्देशनालय प्रदेश २ का वरिष्ठ जनस्वास्थ्य प्रशासक विजय झाले जानकारी दिए । महोत्तरीको मनरा सिसवा नगरपालिका वडा नं. १ को ४ वर्षीय बालिकाको कोरोनाबाट मृत्यु भएको हो । साउन २३ गते नै रिपोर्ट पोजेटिभ आएको बालिकाको आफ्नै घरमा मृत्यु भएको झाले बताए । मृत्यु हुनुभन्दा पहिले झाडा पखाला भएको र यसभन्दा पहिले पनि बालिकामा झाडापखालाको समस्या रहेको थियो ।
झाडापखालाकै उपचारको क्रममा जनकपुरधामस्थित जानकी हेल्थ केयरमा भर्ना गरेकोमा त्यहाँबाट बालिकालाई धरान रिफर गरिएको थियो । धरानबाट पुनः घर फर्केपछि सोमबार बालिकाको मृत्यु भएको छ । त्यस्तै महोत्तरीकै जलेश्वर नगरपालिका वडा नं. २ का ६२ वर्षीय महिलाको उपचारको क्रममा पाटन अस्पतालमा मृत्यु भएको छ ।
रौतहटको यमुनामाई गाउँपालिका वडा नं. ३ का ४० वर्षीय पुरुष र वीरगञ्ज महानगरपालिका वडा नं. २४ बहुअरीका ८० वर्षीय पुरुषको कोरोना संक्रमणबाट मृत्यु भएको सामाजिक विकास मन्त्रालय प्रदेश २ ले जनाएको छ । यससँगै प्रदेशमा कोरोना संक्रमणबाट मृत्यु हुनेको संख्या ९० पुगेको छ । कोरोनाबाट सबैभन्दा बढी पर्सामा ३४ जनाको मृत्यु भएको छ भने बारामा १३, धनुषामा १२, महोत्तरीमा १०, सिरहामा ७, सप्तरीमा ६, रौतहटमा ५ र सर्लाहीमा ३ जनाको मृत्यु भएको छ ।
क्याटेगोरी : बिबिध
ताजा अपडेट
- दुर्गा प्रसाईँको कसुर ‘पटके अपराध’ कायम भयो भने सजायमा के फरक पर्छ
- नेपाल-भारत सीमा सुरक्षा अधिकारीको बैठकमा छलफल भएका मुख्य चार विषय
- राष्ट्रिय गौरवका आयोजनालाई प्राथमिकता दिन रक्षा मन्त्रीको जोड
- विद्युत् विकासका लागि जर्मनीले एक अर्ब ४६ करोड अनुदान दिने
- बाढीपहिरोबाट ऊर्जा र सिँचाइ क्षेत्रमा १३ अर्ब बढीको क्षति
- शान्ति प्रक्रियालाई शीघ्र टुङ्ग्याउनुपर्नेमा आयोगको जोड
- अष्ट्रेलियाका राजदूत र प्रधानमन्त्री ओलीबिच शिष्टाचार भेट
- विश्व खाद्य संगठनका प्रतिनिधि र ऊर्जामन्त्री खड्काबिच भेटवार्ता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया