महेन्द्र शाही
सोलुखुम्बु, भदौ २४
सोलुखुम्बुको खुम्बुपासाङ ल्हामु गाउँपालिकामा रहेको तेन्जिङ हिलारी विमानस्थलमा पाँच दिनदेखि उडान प्रभावित भएको छ । निरन्तर रुपमा परिरहेको पानी तथा हुस्सुका कारण खुम्बु क्षेत्रको मौसम खराबी भएकाले उडान प्रभावित बनेको हो । केही दिन अघिसम्म बिहान १० बजेसम्म मौसम खुल्ने भए पनि अहिले दिनभरि नै मौसम धुम्म हुने गरेको बताइएको छ ।
निरन्तरको वर्षा र हुस्सुले उडान हुन नसकेको नेपाल नागरिक उड्यन प्राधिकरण लुक्लाका प्रमुख मुकेशराज दाहालले जानकारी दिए । मौसम प्रतिकूलताका कारण खुम्बु क्षेत्रमा हुँदै आएको कार्गो ढुवानी हुन नसकेको दाहालको भनाइ छ । अघिल्लो वर्षहरुमा दैनिक कम्तीमा ६० वटासम्म उडान हुने यो विमानस्थलमा अहिले भने दैनिक ४–५ वटा कार्गो ढुवानी मात्र हुने गरेको छ ।
अघिल्ला वर्षहरुमा दैनिक करिब एक हजारको हाराहारीमा आउने यात्रु अहिले शून्य रहेका छन । अहिले लुक्ला विमानस्थमा रामेछापको मन्थली र जिल्लाको फाप्लु विमानस्थलबाट कार्गो ढुवानी हुने गरेको छ । दैनिक रुपमा पाँच/छ वटा विमानले कार्गो ढुवानी गर्ने गरेका थिए । त्यो पनि रोकिएको दाहालको भनाइ छ ।
यसैगरी कोरोनाको प्रभावले खुम्बु क्षेत्रका होटल पसलहरु पनि अहिले सुनसान रहेको व्यापारीको भनाइ छ । यो वर्षको मुख्य सिजनमा समेत खुम्बु क्षेत्र सुनसान हुनपुगेको हो । लुक्लामा यो वर्ष व्यापार शून्य रहेको स्थानीय खगिन्द्रराज बास्तोलाले बताए । गाउँपालिकाको राजस्वमा समेत गिरावट आउने देखिएको छ । गाउँपालिकाले पनि पर्यटकबाट शुल्क लिने गरेको थियो । साथै समग्र देशलाई पनि राजस्व संकलनमा धक्का पुग्ने देखिएको छ । खुम्बु क्षेत्रको भ्रमण गर्ने तथा सगरमाथालगायत हिमाल आरोहणका लागि सरकाले राजस्व संकलन गर्ने गरेको थियो ।
क्याटेगोरी : बिबिध
ताजा अपडेट
- आठ वर्षपछि फेरि किन बढ्यो ‘लोडशेडिङ’ हुने डर ?
- युक्रेनलाई रुसी भूमिमा अमेरिकी क्षेप्यास्त्र प्रहार गर्ने अनुमति, रुसमा चर्को आक्रोश
- डेडिकेटेड ट्रंक लाइन बिबादमा टिओडी मिटर गणना गर्न विज्ञ समिति गठन
- मुख्यमन्त्री सिंहद्वारा भारतीय पक्षलाई विवाहपञ्चमीको निम्तोपत्र हस्तान्तरण
- जलवायु परिवर्तन न्यूनीकरणमा साझेदार गर्न नेपालको बङ्गादेशलाई आग्रह
- बेनी नगरपालिकामा तीन सय योजना कार्यान्वयनमा
- छुट्टाछुट्टै घटनामा दुईजनाको मृत्यु
- पशुपति आर्यघाटमा पूर्वसभामुख ढुंगानाको अन्त्येष्टि
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया