जीएम यादम
बाँके, पुस १४
बाँकेमा प्रदेश ५ सरकारको खर्च विगतको जस्तै निराशाजनक देखिएको छ । चालू आवको ६ महिना बित्न लाग्दा पनि प्रदेश सरकारले बाँकेका योजनाका लागि विनियोजन गरेको पुँजीगत खर्च निराशाजनक नै रहेको छ । यद्यपि, बजेट खर्च गर्न प्रदेश सरकारसँग अझै ६ महिना बाँकी रहेको छ । हालकै अवस्थामा खर्चको अवस्था रहने हो भने यस वर्ष पनि विकासका काम नै नभई फ्रिज हुने सम्भावना बढी रहेकोे देखिन्छ ।
चालू आव ०७६/०७७ मा प्रदेश ५ सरकारले बाँकेका लागि पुँजीगततर्फ एक अर्ब ७४ करोड ११ लाख ४४ हजार रूपैयाँ विनियोजन गरेको छ । मंसिरसम्म उक्त बजेटमध्ये १० करोड ६९ लाख ७४ हजार छ सय ७९ रूपैयाँ मात्र खर्च भएको कोष तथा लेखा नियन्त्रक कार्यालय नेपालगञ्जका कोष नियन्त्रक प्रकाश पौडेलले जानकारी दिए । चालूतर्फ प्रदेश सरकारले चालू आवका लागि एक अर्ब ८२ करोड नौ सय ३४ रूपैयाँ छुट्याएको छ । उक्त रकममध्ये मंसिरसम्म २३ करोड ६१ लाख ५० हजार रूपैयाँ खर्चको भएको विवरण कोलेनिकामा रहेको छ । गत वर्ष प्रदेश सरकारले बाँकेमा छुट्याएको बजेटको ६० प्रतिशत पनि खर्च भएको थिएन ।
गत आवमा प्रदेश सरकारले बाँकेका लागि आव ०७५/०७६ मा पुँजीगत खर्चतर्फ एक अर्ब ३२ करोड १४ लाख रूपैयाँ बजेट विनियोजन गरेको थियो । जसमध्ये ५८ दशमलव २० प्रतिशत अर्थात् ७६ करोड ९१ लाख रूपैयाँ मात्र खर्च भएको थियो । गत आवको असारमा मात्रै प्रदेशतर्फको ४४ करोड १७ लाख रूपैयाँ असारमा खर्च भएपछि खर्च प्रतिशत ५० नाघेको हो । संघीय सरकारतर्फ पुँजीगत खर्चको अवस्थामा भने सन्तोषजनक नै रहेको छ । संघीय सरकारले चालू आवमा पुँजीगततर्फ पाँच अर्ब ८६ करोड ५४ लाख ४५ हजार सात सय छ रूपैयाँ बजेट विनियोजन गरेको छ । जसमध्ये एक अर्ब सात करोड ७६ लाख पाँच हजार सात सय नौ रूपैयाँ खर्च भएको छ ।
संघीय सरकारले गत आव ०७५/०७६ मा पुँजीगत खर्चका लागि आठ अर्ब ९८ करोड आठ लाख रूपैयाँ बजेट विनियोजन गरेको थियो । जसमध्ये सात अर्ब ३१ करोड छ लाख रूपैयाँ मात्रै खर्च भएको छ । जुन विकास बजेटको ८१ दशमलव ४० प्रतिशत हो । यस वर्ष पनि संघतर्फको खर्च राम्रो नै रहेको छ । चालू आव २०७६/०७७ मा बाँकेका लागि संघीय सरकारले चालूतर्फ सात अर्ब ९७ करोड ५४ लाख ६७ हजार आठ सय ७४ रूपैयाँ छुट्याएको थियो । जसमध्ये ६ महिनामा तीन अर्ब ५८ करोड ६३ हजार सात सय २० रूपैयाँ खर्च भएको कोष नियन्त्रक पौडेलले जानकारी दिएका छन् ।
क्याटेगोरी : बिबिध
ताजा अपडेट
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
- ‘पूर्णबहादुरको सारङ्गी’ बन्यो सर्वाधिक कमाउने चलचित्र
- जनकपुरधामबाट अयोध्या तिलकमा २५१ जना जाने
- नारायणगढ–बुटवल सडक निर्माणमा भएको ढिलाइबारे प्रधानमन्त्रीको चासो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया