सुबास बस्नेत
दोलखा, पुस २१
दोलखाको उतरी क्षेत्रमा रहेको गौरीशंकर संरक्षण क्षेत्र आयोजनाअन्तर्गत पर्ने रोलवालिङ उपत्यकामा दुर्लभ हिउँचितुवा भएको पुष्टि भएको छ । आयोजनाले रोलवालिङ उपत्यकामा ०७६ असारदेखि क्यामेरा ट्रयापिङमार्फत गरेको अनुसन्धानबाट रोलवालिङ उपत्यकामा हिउँचितुवा भएको पुष्टि भएको हो । गौरीशंकर संरक्षण क्षेत्र आयोजनाले आइतबार सदरमुकाम चरिकोटमा पत्रकार सम्मेलन गरी सोको जानकारी दिएको छ ।
असार १५ गते, भदौ २२ गते तथा भदौ २६ गते तीन पटक वयस्क हिउँचितुवाको फोटो रोलवालिङ उपत्यकाको च्छोरोल्पा हिमताल आसपासको क्षेत्रमा जडान गरिएको स्वचालित क्यामेराले खिचेको गौरीशंकर संरक्षण क्षेत्र आयोजनाका प्रमुख सत्य नारायण शाहले बताए । आइतवार नैं गौरीशंकर संरक्षण क्षेत्र सम्पर्क कार्यालयले गौरीशंकर संरक्षण क्षेत्र आयोजना क्षेत्रभित्र रहेका वन्यजन्तुपीडितहरूलाई क्षतिपूर्ति प्रदान गरेको छ ।
पशु चौपायाहरूको क्षति भएका नौ जना पीडितहरूलाई सम्पर्क कार्यालयले २३ हजारदेखि पचास हजारसम्म क्षतिपूर्ति वितरण गरेको छ । पशुधनको क्षतिपूर्ति पाउनेहरूमा गौरीशंकर गाउँपालिका मेममाया तामाङ, आइतिमाया तामाङ, नेत्रबहादुर खड्का, दिनेश खड्का, अर्जुनबहादुर बुढाथोकी, साङ्वीर तामाङ, टलकबहादुर तामाङ, वाइसेल तामाङ तथा विगू गाउँपालिकाका जितबहादुर तामाङ रहेका छन् ।
क्याटेगोरी : बिबिध
ताजा अपडेट
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
- ‘पूर्णबहादुरको सारङ्गी’ बन्यो सर्वाधिक कमाउने चलचित्र
- जनकपुरधामबाट अयोध्या तिलकमा २५१ जना जाने
- नारायणगढ–बुटवल सडक निर्माणमा भएको ढिलाइबारे प्रधानमन्त्रीको चासो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया