माथिल्लो सगरमाथाका तीन जिल्लामा आत्महत्या गर्नेको संख्यामा वृद्धि

सोलुखुम्बु ।
पछिल्लो समयमा माथिल्लो सगरमाथाका तीन जिल्लामा आत्महत्या गर्नेको संख्यामा वृद्धि भएको छ । चालू आर्थिक वर्षको पहिलो छ महिनामा माथिल्लो सगरमाथाका सोलुखुम्बु, ओखलढुंगा र खोटाङमा अघिल्लो वर्षको तुलनामा आत्महत्या गर्नेको संख्यामा वृद्धि भएको हो । सोलुखुम्बुमा चालू आर्थिक वर्षको छ महिनामा ३०, ओखलढुंगामा ३२ र खोटाङमा ३९ गरी एक सयवटा आत्महत्याको घटना भएको प्रहरीले जनाएको छ ।

त्यसैगरी यौनजन्य प्रकृतिका मुद्दाको संख्यामा वृद्धि भएको छ । यौनजन्य मुद्दाअन्तर्गत सोलुखुम्बुमा १८, ओखलढुंगामा २२ र खोटाङमा १७ ओटा मुद्दा दर्ता भएको जिल्ला प्रहरी कार्यालयको तथ्याकंमा उल्लेख छ । पछिल्लो समय आत्महत्या गर्ने र यौनजन्य मुद्दामा वृद्धि भएको जिल्ला प्रहरी कार्यालय सोलुखुम्बुका प्रहरी निरीक्षक महेन्द्र दर्नालले जानकारी दिए । त्यसैगरी सोलुखुम्बुमा भवितव्य ज्यानका १६, ज्यान मार्ने उद्योगका सात, अभद्र व्यवहारका छ, कर्तव्य ज्यानका चार, जबरजस्ती करणीका तीन, आपराधिक उपद्रोसम्बन्धी कसुर, नकाबजनी चोरी र चौपाय चोरीमा दुई/दुईवटा मुद्दा दर्ता भएको जिल्ला प्रहरी कार्यालय सोलुखुम्बुले जनाएको छ ।

यस्तै जुवा तथा जट्टाबाजी, राष्ट्र सेवाकलाई बाधा विरोध, हातहतियार खरखजता, पशुपन्छी कसुर र बाल विवाहका एक/एकवटा गरी कुल एक सय एउटा मुद्दा दर्ता भएको प्रहरीको तथ्यांकमा उल्लेख छ । जसमा ४० ओटा मुद्दा फछ्र्यौट भइसकेका छन् भने ६१ वटा अनुसन्धानको क्रममा रहेको प्रहरी निरीक्षक दर्नालले बताए ।
यस्तै ओखलढुंगामा आत्महत्याका ३२, यौनजन्य २२, कर्तव्य ज्यानमा दुई, ज्यान मार्ने उद्योगमा तीन, विवाहसम्बन्धीमा दुई, अभद्र व्यवहार चार र अन्यमा दुई गरी ६७ अपराध भएको देखिएको जिल्ला प्रहरी कार्यालय ओखलढुंगाले जनाएको छ ।

खोटाङमा आत्महत्या ३५, जबरजस्ती करणी १२, करणी गर्ने उद्योग पाँच, भवितव्य ज्यान १६, अभद्र व्यवहार १२, कर्तव्य ज्यान पाँच, विष सेवन गरी चार, हातहतियार तथा खरखजना दुई, ज्यान मार्ने कसुर पाँच, जुवातास दुई लागुऔषध दुई, अपहरण एक, चोरी सात, बहुविहाह एक, बाल यौन दुव्र्यवहार एक, चौपाय मारेको एक, आगो लगाएको एक, सवारी ज्यान तीन र सवारी अंगभंग एक गरी एक सय १७ वटा मुद्दा दर्ता भएको जिल्ला प्रहरी कार्यालय खोटाङका प्रहरी निरीक्षक सागर शाहले जानकारी दिए । उनका अनुसार जसमध्ये ४९ वटा फछ्र्यौट भइसकेका छन् भने बाँकी ६८ वटा अनुसन्धानको क्रममा रहेका छन् । (आर्थिक दैनिकबाट)