काठमाडौं, पुस २२
मुटुरोगबाट ग्रसित धम्पुसका राज बिकको उपचार खर्चमा सहयोग जुटाउनका लागि स्कटल्याण्डमा बस्दै आएका नेपाली घनश्याम भण्डारीले दौडिएरै तीन लाख रुपैयाँ संकलन गरेर हस्तान्तरण गरेका छन् । बिकको मुटुमा रहेको ट्युमर निकाल्नका लागि सहयोग जुटाइएको थियो। आइतबार काठमाडौं दरबारमार्गस्थित बिइङ ह्युमन क्लोथिङमार्फत उनले उक्त रकम हस्तान्तरण गरेका हुन् ।
सहयोग हस्तान्तरण कार्यक्रमा बोल्दै बिइङ ह्युमन क्लोथिङ नेपालको आधिकारिक बिक्रेता वस्त्र इन्क प्रालि प्रमुख कार्यकारी अधिकृत सुदिपचन्द्र बख्रेलले सहयोगका लागि घनश्यामलाई धन्यवाद दिँदै भने, ‘विदेशमा बसेर पनि नेपाल र नेपालीलाई माया गर्नुभएकोमा हामी आभारी छौ । यस्तो पुण्य काममा सहभागी हुनु हाम्रो लागि पनि गर्वको कुरा हो । बिइङ ह्युमनलाई विश्वास गरेर उहाँले हामीमार्फत सहयोग हस्तान्तरण गर्नुभयो,’ शिक्षा र स्वास्थ्यको क्षेत्रमा च्यारिटी गर्दै आएको बिइङ ह्युमन फाउण्डेसनद्वारा सञ्चालित बिइङ ह्युमन क्लोथिङ नेपालका सञ्चालक राजु थापा क्षेत्रीले भने ।
‘धम्पुस गाबिसको सिफारिस र स्थानीयको अनुरोध सामाजिक सञ्जालमा देखेँ,’ घनश्यामले भने, ‘उपचारको लागि ३ लाख जुटाउँछु भन्ने सोचेर सहयोग संकलन सुरु गरेको थिएँ ।’ उनले थपे, ‘पश्चिमी समाजमा हाईकिङ, रनिङको माध्यमबाट पनि च्यारिटी गर्ने चलन छ।’ घनश्यामका अनुसार यस्तो प्रचलन सन् १९६९ मा सामाजिक क्रान्तिको रुपमा अमेरिकाको नर्थ डाकोटाबाट सुरु भएको हो । घनश्याम आफैँ बेलायत एथलेट एसोसिएसनबाट लाइसेन्सप्राप्त ‘रेगुलर हाइकर रनिंग लिडर’ हुन् ।
‘पैसाको अभावमा जीवन नै खतरामा रहेको सन्देश पाएँ,’ घनश्यामले भने, ‘धम्पुस परिवार यूके र आफ्ना साथीहरुको सहयोगमा रकम संकलनका लागि दौडिन सुरु गरेँ ।’ हुन त यो उनको पहिलो सहयोग होइन । यसअघि पनि उनले क्यान्सर पीडित सागर भन्डारीको उपचार र भारतको चन्डीगढमा मृत भेटिएका चयनपुरे धम्पुस झग्रेका परिवारलाई राहत प्रदान गरेका थिए । यस्तै धम्पुसमा बाटो, स्कुल निर्माणकार्यमा सहयोगका साथै धुर्मुस सुन्तली फाउन्डेसनलाई पनि आर्थिक सहयोग गरिसकेका छन् । उनलाई यो कार्यमा धम्पुसका युवाहरु प्रकाश गुरुङ, रबि पोख्रेल, उदय माविका शिक्षक अमृत कुमार भण्डारीलगायतले सहयोग गरिरहेका छन् ।
क्याटेगोरी : बिबिध
ताजा अपडेट
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
- ‘पूर्णबहादुरको सारङ्गी’ बन्यो सर्वाधिक कमाउने चलचित्र
- जनकपुरधामबाट अयोध्या तिलकमा २५१ जना जाने
- नारायणगढ–बुटवल सडक निर्माणमा भएको ढिलाइबारे प्रधानमन्त्रीको चासो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया