टिन लिडर–०७७ को अडिसन

काठमाडौं ।
लुम्बिनी प्रदेशस्तरीय टिन लिडर २०७७ सिजन २ को बुटवल अडिसन सम्पन्न भएको छ । प्रदेशभरका आठ जिल्लाका एक सय जना प्रतिस्पर्धीहरु सहभागी सो अडिसनबाट फाइनल प्रतिस्पर्धाको लागि १५ जना टिन लिडरहरु छनौट भएका छन् । निर्णायकहरु डिल्ली नारायण पाण्डे, उपप्राडा तिलक भुसाल, तथा उपप्रा जुलन गैरेले प्रतिस्पर्धीहरुलाई विभिन्न चार चरणका प्रतिपर्स्धाबाट छनौट गरेका हुन् ।

कार्यक्रममा निर्णायकमण्डलका संयोजक डिल्ली नारायण पाण्डेले प्रतिस्पर्धीहरुलाई मूल्याङ्कनका विभिन्न मापदण्डबारे जानकारी गराएका थिए । आयोजक संस्था इन्टेलेक्ट एजुकेसन इन्स्टिच्युसन बुटवलका अध्यक्ष दिपक रोकाको अध्यक्षता शनिबार उक्त अडिसन कार्यक्रम सम्पन्न भएको हो ।

कार्यक्रमका संयोजक मदन प्रसाद पन्थीले अडिसनबाट छानिएका १५ जनालाई सात दिने निःशुल्क तालिम तथा तत्पश्चात् उनीहरुलाई ग्रान्ड फिनालेमा समावेश गराइने जानकारी गराए । चैत २१ गते सम्पन्न हुने ग्रान्ड फिनालेको टेलिभिजनलगायतका सञ्चारमाध्यममा प्रत्यक्ष प्रसारण हुने तथा विजेताले ५१ हजार नगदसहित पुरस्कृत हुने तथा फाइनल प्रतियोगिताको मुख्य निर्णायकमा दिनेश डिसी रहने संयोजकले बताए ।