वसन्त ऋतुमा ४५ जनाले हिमाल आरोहण गर्ने

काठमाडौं ।
वसन्तु ऋतुको पहिलो चरणमा हिमाल अरोहण गर्नका लागि ४५ जनाले अनुमति लिएका छन् । पाँचवटा समूहमा रहेका ३० पुरुष र १५ महिला गरी ४५ जनाले हिमाल आरोहण गर्न लागेको पर्यटन विभागले जानकारी दिएको छ । जसमध्ये एक जनाले मनास्लु, चार जनाले नोप्त्से र ४० जनाले अन्नपूर्ण हिमाल आरोहण गर्नेछन् । उनीहरुले असारको दोस्रो साता र तेस्रो साता हिमाल अरोहण गर्ने बताइएको छ ।

कोरोनाको खोप आइसकेपछि भने हिमाल चढ्नेको संख्यामा सामान्य बढेका छन् । कोरोनाको कारण पर्यटन व्यवसाय उठ्न नसकिरहेको अवस्थामा हिमाल आरोहण गर्ने स्वदेशी तथा विदेशी टोलीले सो व्यवसायमा लागेकोलाई केही राहत मिल्नेछ । यस्तै आरोहण टोलीबाट रोयल्टीबापत ८८ लाख २३ हजार रुपैयाँ संकलन हुनेछ जसमध्ये नोत्सेबाट दुई लाख ८१ हजार रुपैयाँ, मनास्लुबाट दुई लाख ११ हजार रुपैयाँ र बाँकी अन्नपूर्ण हिमाल अरोहणबाट रोयल्टी संकलन हुनेछ ।

यसअघि पनि १० वटा समूहका ४५ जनाले विभिन्न हिमाल आरोहणका लागि अनुमति लिएका छन् । यसैबीच पछिल्लो समय भारतमा कोरोना बढेसँगै सरकारले मुलुकमा कोरोनालाई ध्यानमा राखी भीडभाड अर्थात् सभा, जुलस नगर्न आग्रह गरेको छ जसले गर्दा पर्यटन क्षेत्र प्रभावित बन्नसक्ने सम्भावना प्रबल छ ।