छ सय ७३ अक्सिजन सिलिन्डर संकलन

काठमाडौं ।
नेपाल प्रहरीले देशभरका विभिन्न स्थानबाट पछिल्लो २४ घण्टामा छ सय ७३ अक्सिजन सिलिन्डर संकलन गरेको छ । तीमध्ये तीन सय २६ वटा भरिएका र तीन सय ४७ खाली सिलिन्डर छन् । संकलन गरिएका छ सय ७३ वटा र यसअघिको स्टक ९४ वटा गरी जम्मा सात सय ६७ वटा सिलिन्डरमध्ये शनिबार पाँच सय ८५ वटा कोभिड अस्पताल र सम्बन्धित अक्सिजन प्लान्ट उद्योगलाई उपलब्ध गराइएको प्रहरीले जनाएको छ ।

बाँकी रहेका एक सय ८२ वटा अक्सिजन सिलिन्डरहरु जिल्ला संकट व्यवस्थापन केन्द्र तथा जिल्लास्थित प्रहरी कार्यालयमा राखी आवश्यकताअनुसार वितरण गरिनेछ । आवश्यकताभन्दा बढी अक्सिजन सिलिन्डर होल्ड गर्ने व्यक्ति, विभिन्न संघ÷संस्था तथा स्वास्थ्य प्रयोजनबाहेक अन्य प्रयोजनमा प्रयोग गर्ने उद्देश्यले विभिन्न उद्योग, कलकारखाना, कवाडी, ग्यास वेल्डिङ, पसल तथा गोदामहरूमा स्टक गरी राखेका अक्सिजन सिलिन्डर संकलन गरी उपलब्ध गराइएको हो ।