स्याङ्जामा अक्सिजन प्लान्ट निर्माण गर्न डेढ करोड

काठमाडौं ।
अर्थ मन्त्रालयले स्याङ्जामा अक्सिजन प्लान्ट निर्माण गर्नका लागि डेढ करोड स्वीकृत गरेको छ । कृषि तथा पशुपन्छी विकास मन्त्री पद्माकुमारी अर्यालको गृहजिल्ला स्याङ्जामा अक्सिजन प्लान्ट निर्माण गर्नका अर्थ मन्त्रालयले उक्त रकम स्वीकृत गरेको हो ।

कोभिड–१९ को दोस्रो लहरका कारण स्याङ्जा जिल्ला पनि कोभिडको अत्यधिक मारमा परेपछि त्यहाँ अक्सिजन प्लान्टको सुनिश्चितताका लागि कृषिमन्त्री अर्यालले स्वास्थ्य मन्त्रालय तथा आवश्यक बजेटको व्यवस्थाका लागि अर्थ मन्त्रालयसँग पहल गरेकी थिइन् । सोहीअनुसार अर्थ मन्त्रालयले स्याङ्जा अस्पताल स्याङ्जामा अक्सिजन प्लान्ट निर्माणका निम्ति मंगलबार एक करोड ५० लाख रकम विनियोजन गरेको हो ।