काठमाडौं ।
नेपाल सुनचाँदी रत्न तथा आभूषण महासंघले सुनको आयात तथा बिक्रीवितरण सुचारु गर्न माग गरेको छ । महासंघका अनुसार कोभिड–१९ को नियन्त्रणको क्रममा गत वैशाख १६ गतेदेखि लकडाउन घोषणा गरिएपश्चात् व्यापार, व्यवसायलगायतका क्षेत्रहरू बन्द भएकोले वाणिज्य बैंकहरूले बिक्रीवितरण गर्ने सुनको आपूर्ति पनि बन्द भएको थियो ।
मंगलबारदेखि विभिन्न वस्तु र सेवालाई विभिन्न श्रेणीमा वर्गीकरण गरी दैनिक तालिकाअन्तर्गत तोकिएको बार र समयमा व्यापार, व्यवसाय चालू गरिएकोले सोही तालिकाअनुरूप सुन, चाँदी गहना आदि आभूषण क्षेत्र पनि चालू भएको महासंघले जनाएको छ । गहना व्यवसाय सुचारु भए पनि बैंकबाट बिक्रीवितरण हुने सुनको आपूर्तिलाई पनि पुनः सुचारु गर्नुपर्ने महासंघले जनाएको छ ।
सुनको आपूर्ति तथा वितरणको लागि सम्बन्धित निकायमा निर्देशन दिन महासंघले राष्ट्र बैंकलाई आग्रह गरेको छ । साथै साबिकमा दैनिक २० केजी सुन बिक्रीवितरण हुँदै आएकोमा लामो समयपश्चात् बजार खुलेको र निकट भविष्यमा नै प्रमुख चाडपर्वहरूको समय पनि आउने भएकोले विगतमा बिक्रीवितरण नभएको सुनको परिमाण समेतलाई मनन गर्दै दैनिक ३० केजी सुन बिक्रीवितरणको अविलम्ब व्यवस्था गर्न पनि महासंघले राष्ट्र बैंकलाई आग्रह गरेको छ ।
क्याटेगोरी : बिबिध
ताजा अपडेट
- एमाले लुम्बिनी प्रदेश सभा सदस्य दुर्गा चौधरी पार्टी सदस्यबाट निलम्बित
- अदालतले पक्राउ पुर्जी जारी गरेका प्रहरी (इन्स्पेक्टर) १ बर्ष देखि कार्यरत रहेको खुलासा !
- राष्ट्रिय स्वतन्त्र पार्टी (रास्वपा)को धादिङ जिल्ला भेला सम्पन्न
- ‘जलवायु सङ्कट सामना गर्न सहकार्य आवश्यक’
- कीर्तिपुरमा विकास र सुशासनका मुद्दासहित चुनाव प्रचार तीव्र
- सामाजिक सुरक्षाकोषमा निजी क्षेत्र आबद्ध हुनैपर्ने
- धुलाबारीमा अतिक्रमित संरचना हटाउँदै मेचीनगर
- २७ सय १६ बिन्दुमा उक्लियो शेयर बजार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया