तीन गुणा बढी भाडा लिएर यात्रु ओसार्दै सवारीसाधन
सुबास बस्नेत २०७८, साउन ४ ११:०५ 
दोलखा । निषेधाज्ञाको मौका छोपेर दोलखाबाट काठमाडौँ ओहोरदोहोर गर्ने सवारीसाधनले तीन गुणा बढी भाडा लिएर यात्रु ओसार्ने गरेको पाइएको छ । दोलखामा निषेधाज्ञा केही खुकुलो भएसँगै जिल्लाभित्र छोटो दूरीमा यात्रुवाहक सवारी चल्न दिइएको छ । तर दिउँसोको समय जिल्लाभित्र मात्र चल्ने गरेका सवारीसाधनले हिजोआज रातको समयमा चर्को भाडा लिएर काठमाडौँ दोलखा ओहोरदोहोर गर्ने पाइएको हो ।
दोलखाका विभिन्न स्थानीय तहबाट काठमाडौं ओहोरदोहोर गर्ने सवारीले काउन्टरमा टिकट नकाटी आधा बाटोमा पुगेपछि दोब्बर–तेब्बर भाडा लिनेगरेको यात्रुहरूको दुखेसो छ । जिल्लाको बैतेश्वर गाउँपालिकाको गैरिमुदी मिर्गेबाट काठमाडौँ ओहोरदोहोर गर्ने यात्रुबसले रातिको समयमा एक हजार पाँच सय रूपैयाँ र दिउँसोको समयमा एक हजार रूपैयाँ भाडा असुल गर्नेगरेको पीडित यात्रुले बताएका छन् ।
आइतबार बिहान मिर्गेबाट काठमाडौँको लागि हिँडेको बसले टिकटविना यात्रुबाट एक हजार भाडा उठाएको पाइएपछि प्रहरीले बसलाई नियन्त्रण लि कारबाही समेत गरेको छ । जिल्लाका ग्रामीण बस्तीबाट काठमाडौं यात्रा गरेको बढी पाँच सयदेखि आठ सयसम्म भाडा रहेकोेमा अहिले एक हजार पाँच सय भाडा तिरेर काठमाडाँैको यात्रा गरेको पार्वती अधिकारीले बताइन् ।
सुरुमा बस चढ्नुअघि मिलाएर भाडा लिने बताउने सवारी सहचालकले आधा बाटोमा पुगेपछि भाडामा बार्गेनिङ गर्नेगरेको अर्की यात्रु अस्मिता बस्नेतले बताइन् । १५ सय भाडा तिर्दिन भन्दा सवारी चालक तथा सहचालकले गाडीबाटै यात्रुलाई झार्न खोज्ने गरेकाले उनीहरूले भनेअनुसार नै भाडा तिर्नुपर्ने बाध्यता रहेको उनले सुनाइन् ।
यात्रुबसले जिल्लाको मैनापोखरी, मिर्गे, गैरिमुदी, कालिञ्चोक गाउँपालिकाको सिंगटीलगायतका बजार तथा गाउँबाट रातको समयमा दोब्बर भाडा असुल्ने गरेका छन् । आइतबार बैतेश्वरका युवाले चर्को भाडा उठाउने बसलाई नियन्त्रण लिएर प्रहरीलाई जिम्मा लगाई यात्रुबाट उठाएको बढी भाडा यात्रुलाई नै फिर्ता गर्न लगाइएको बैतेश्वर गाउँपालिका २ का युवा विश्व तामाङले जानकारी दिए ।
क्याटेगोरी : बिबिध
ताजा अपडेट
- एमाले लुम्बिनी प्रदेश सभा सदस्य दुर्गा चौधरी पार्टी सदस्यबाट निलम्बित
- अदालतले पक्राउ पुर्जी जारी गरेका प्रहरी (इन्स्पेक्टर) १ बर्ष देखि कार्यरत रहेको खुलासा !
- राष्ट्रिय स्वतन्त्र पार्टी (रास्वपा)को धादिङ जिल्ला भेला सम्पन्न
- ‘जलवायु सङ्कट सामना गर्न सहकार्य आवश्यक’
- कीर्तिपुरमा विकास र सुशासनका मुद्दासहित चुनाव प्रचार तीव्र
- सामाजिक सुरक्षाकोषमा निजी क्षेत्र आबद्ध हुनैपर्ने
- धुलाबारीमा अतिक्रमित संरचना हटाउँदै मेचीनगर
- २७ सय १६ बिन्दुमा उक्लियो शेयर बजार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया