दोलखामा ३५ हजारले लगाए कोरोनाविरुद्धको पहिलो डोज खोप
सुबास बस्नेत २०७८, साउन ११ ११:१० 
दोलखा । जिल्लाका करिब ३५ हजार मानिसलाई कोरोना भाइरसविरुद्धको पहिलो डोज खोप लगाइएको छ । जिल्ला स्वास्थ्य कार्यालय दोलखाका अनुसार नौ स्थानीय तहका ३४ हजार सात सय १४ जनाले कोरोनाविरुद्धको पहिलो डोज खोप लगाएका छन् ।
यस्तैगरी पाँच हजार दुई सय ८५ जनाले दोस्रो डोज खोप लगाएको जिल्ला स्वास्थ्य कार्यालय दोलखाका स्वास्थ्य प्रमुख अर्जुन पौडेलले जानकारी दिए । उनका अनुसार अहिले पनि सबै स्थानीय तहले कोरोनाविरुद्धको खोप लगाइरहेका छन् । यस्तै पछिल्लो समय खोप लगाउने तथा बजारमा ओहोरदोहोर गर्ने जिल्लाका नागरिकको लापरबाहीले दैनिक कोरोना संक्रमित बढिरहेका छन् । दोलखामा आइतबार मात्रै ५० जनालाई कोरोना संक्रमण पुष्टि भएको छ ।
चरीकोट अस्पतालमा रहेको पीसीआर ल्याबमा ७८ जनाको स्वाब परीक्षण गरिएकामा ४१ जना र स्थानीय तहमा ३१ जनाको एन्टिजिन परिक्षण गरिएकामा नौ जनामा संक्रमण पुष्टि भएको हो । आइतबार जिल्लाको भीमेश्वर नगरपालिकाका १९ पुरुष र ११ महिला, मेलुङ गाउँपालिकाका एक जना पुरुष र कालिञ्चोक गाउँपालिकाका ३ पुरुष र ४ महिला, शैलुङ गाउँपालिकाका २ पुरुष, तामाकोशी गाउँपालिकाका ८ पुरुष र २ महिलामा कोरोना पुष्टि भएको स्वास्थ्य कार्यालय दोलखाले जनाएको छ । यस्तै आइतबार १९ जना संंक्रमित संक्रमणमुक्त भएका छन् ।
जिल्लामा लगाइएको निषेधाज्ञा हाल खुकुलो पारिएको छ । निषेधाज्ञा खुकुलो हुँदा चरीकोटलगायतका बजारमा भीडभाड बढेको छ । कतिपय नागरिक विनामास्क बजारमा ओहोरदोहोर गर्नेगरेका छन् । स्वास्थ्य सतर्कता विनाभीडभाड यात्रा गर्दा धेरै व्यक्तिमा संक्रमण भेटिन थालेको स्वास्थ्यकर्मीहरूको भनाइ छ । अहिले संक्रमितमध्ये चरीकोट अस्पतालमा रहेको एचडीयुमा चार जना रहेका छन् भने सिंगटी अस्पतालमा चार जना आइसोलेसन वार्डमा उपचाररत रहेको जिल्ला स्वास्थ्य कार्यालयले जनाएको छ । जिल्लाभर हाल तीन सय ३८ जना कोरोनाका सक्रिय संक्रमित रहेका छन् भने १० जनाको मृत्यु भएको छ ।
क्याटेगोरी : बिबिध
ताजा अपडेट
- एमाले लुम्बिनी प्रदेश सभा सदस्य दुर्गा चौधरी पार्टी सदस्यबाट निलम्बित
- अदालतले पक्राउ पुर्जी जारी गरेका प्रहरी (इन्स्पेक्टर) १ बर्ष देखि कार्यरत रहेको खुलासा !
- राष्ट्रिय स्वतन्त्र पार्टी (रास्वपा)को धादिङ जिल्ला भेला सम्पन्न
- ‘जलवायु सङ्कट सामना गर्न सहकार्य आवश्यक’
- कीर्तिपुरमा विकास र सुशासनका मुद्दासहित चुनाव प्रचार तीव्र
- सामाजिक सुरक्षाकोषमा निजी क्षेत्र आबद्ध हुनैपर्ने
- धुलाबारीमा अतिक्रमित संरचना हटाउँदै मेचीनगर
- २७ सय १६ बिन्दुमा उक्लियो शेयर बजार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया