सानिगाड नदीको बाँधलाई भत्काउन सेनाले विस्फोट गर्ने
बझाङ । बुधबारदेखि अविरल रूपमा परेको वर्षाका कारण आएको पहिरोले सानीगाड थुनिएपछि नेपाली सेना परिचालन गरिएको छ । कालंगा हाइड्रोको सहकार्यमा थुनिएको नदी खोल्न नेपाली सेना परिचालन गरिएको हो । बझाङको बुंगल नगरपालिका ७ मा पहिरो गई शुक्रबार दिउँसो सानीगाड थुनिएपछि दुई घर पुरिएका थिए । सानीगाड खोलाको माथिबाट आएको पहिराले नदी थुनिएर ताल बनेको छ ।
उक्त थुनिएको नदी खोल्नलाई शनिबार बिहान नेपाली सेनाको टोली त्यसतर्फ प्रस्थान गरेको छ । टोलीले थुनिएको नदीको बाँधलाई भत्काउन विस्फोट गर्ने प्रमुख जिल्ला अधिकारी महोन अधिकारीले बताए । सानीगाड र कालंगा नदीको आसपासका बस्तीहरू जोखिम रहेकाले सचेत रहन सबैलाई आग्रह समेत गरेको उनले बताए । जिल्ला प्रहरी कार्यालय बझाङका प्रमुख प्रहरी नायब उपरीक्षक (डीएसपी) रूपक खड्काले पहिरोले वडा नम्बर ६ का दुई घर पुरेर पूर्णरूपमा क्षति भएको जानकारी दिए ।
पहिले घर पुरिँदा मानवीय क्षति नभए पनि गोठमा रहेका पशुचौपाया मरेका समेत बताए । घर पुरिँदा स्थानीय बले धामीका तीन भैँसी, दुई गोरु, सात बाख्रा, नरेन्द्र धामीका चार गाई, दुई गोरु र धने दमाईका दुई गाई पहिरोमा पुरिएर मरेको जिल्ल प्रहरी कार्यालयले जनाएको छ । घर पुरिएर विस्थापित भएका स्थानीयलाई सुरक्षित स्थानमा सारिएको समेत जानकारी दिए ।
कालंगा र सानीगाड आसपासका दुई दर्जनभन्दा बढी गाउँहरू जोखिममा परेका छन् । यसका साथै नदीले बुंगल क्षेत्रका गाडको आसपासका क्षेत्रमा भएका सयौँ रोपनी खेतीयोग्य जमिन कटान गरेको छ भने हजारौं रोपनी खेतीयोग्य जमिन समेत जोखिममा परेका छन् । बुंगल नगरपालिकाका प्रमुख धनबहादुर विष्टले पनि सानीगाड तथा कालंगागाड आसपासका बस्तीमा सचेत रहन आग्रह गरेका छन् । नदीको बहाब बढ्दै गई रहेकाले नदी आसपासका बस्तीहरूलाई सचेत रहन आग्रह समेत गरेका छन् ।
क्याटेगोरी : बिबिध
ताजा अपडेट
- अमेरिकी केन्द्रीय बैंकले घटायो ब्याजदर
- श्रीलङ्कामा आर्थिक मन्दीपछि पहिलो पटक शनिबार मतदान हुुँदै
- ग्रीनल्यान्डमा २० हजार लिटर डिजेल बोकेको जहाज डुब्यो
- ‘उपकरण विस्फोटले ठूलो धक्का लाग्यो’
- मेटा र स्पोटिफाइद्वारा युरोपेली संघको आलोचना
- पलेशा र अन्य पारा खेलाडीलाई एनसेल फाउन्डेसनको सम्मान
- भैँसेपाटी स्पोर्ट्स एकेडेमी
- यज्डी मोटरसाइकलको तीन ठूला अफर
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया