तीन सातापछि चरीकोटमा निषेधाज्ञा खुकुलो
सुबास बस्नेत २०७८, भदौ १० १२:३२ 
दोलखा । कोरोना संक्रमितको संख्या पछिल्लो दिनमा घट्दै गएपछि सदरमुकाम चरीकोटमा तीन सातादेखि गरिएको निषेधाज्ञा खुकुलो पारिएको छ । संक्रमण वृद्धि भएको भन्दै जिल्ला प्रशासन कार्यालय दोलखाले चरीकोट बजारमा मात्र निषेधाज्ञा जारी गरेको थियो ।
जिल्ला प्रशासन कार्यालय दोलखाले बुधबार एक विज्ञप्ति जारी गर्दै साँझ आठ बजेसम्म बजार खुल्न दिने निर्णय गरेको जनाएको छ । बिहीबारदेखि चरीकोट बजारका सबैखाले पसल साँझ आठ बजेसम्म खुल्नेछन् भने धार्मिकस्थल र विद्यालय भने बन्द रहनेछन् । जिल्लामा बुधबार कोरोना संक्रमितमध्ये तीन गुणा बढी कोरोनाका बिरामी निको भएका छन् । बुधबार १८ जनामा कोरोना संक्रमण पुष्टि हुँदा ८३ जना निको भएको जिल्ला स्वास्थ्य कार्यालय चरीकोटले जनाएको छ ।
चरीकोट अस्पतालमा रहेको पीसीआर ल्याबमा ३६ जनाको स्वाब परीक्षण गरिएकामा नौ जना र जिल्लाको नौ स्थानीय तहमा ५० जनाको एन्टिजिन परीक्षण गरिएकामा ९ जनामा कोरोना संक्रमण पुष्टि भएको हो । कोरोना संक्रमित बिरामीहरू चरीकोट अस्पतालमा रहेका एचडीयूमा सात जना, सिंगटी अस्पतालमा दुई जना र तामाकोशी कोभिड अस्पतालमा एक जना उपचाररत छन् । कोरोना संक्रमण पुष्टि भएका तीन सय ४७ जना भने होम आइसोलेसनमा रहेको जिल्ला स्वास्थ्य कार्यालय दोलखा प्रमुख अर्जुन पौडेलले जानकारी दिए ।
क्याटेगोरी : बिबिध
ताजा अपडेट
- भोटेकोशीको ढलानमा पुरिएका मजदुरको शव फेला
- वर्षासँगै देशका विभिन्न ठाउँमा सडक अवरुद्ध, तराईमा डुबान
- पहिरोले कालीगण्डकी करिडोर अवरुद्ध
- कांग्रेस संसदीय दलको बैठक बस्दै
- आजको मौसम : देशभर वर्षा
- सहकारी नीतिलाई समसामयिक तुल्याउनुपर्ने
- आइतबारसम्म बाढीको जोखिम
- मुलुकभित्र रोजगारी प्रवर्द्धन र असल श्रमसम्बन्ध विकास गर्ने
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- राजेन्द्र विमल र हरिहर शर्मालाई पुरस्कृत गरिने
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया