महेन्द्र शाही
सोलुखुम्बु, माघ १२
सोलुखुम्बुको विकटको स्थानीय तह मानिएको सोलुखुम्बुको महाकुलुङ गाउँपालिकाअन्तर्गत पशुपक्षी शाखाले खर्कमै पुगेर प्राविधिक सेवा उपलब्ध गराएको छ । वडा नं ३ भित्र पर्ने निकै विकटमा अवस्थित गाउँ मार्मेकुका ४५ कृषकका खर्कमै पुगेर ४ सय ५२ पशुहरुलाई प्राविधिक सेवा उपलब्ध गराएको हो । प्राविधिक र उपचारसहितको टोली खर्कमा पुगेर १११ वटा चौरी, याक १०, जोक्पे १५, गाई २०, कुकुर ४५, बाख्रा १७, भेडा २५, भैँसी ३३ र ३८ वटा बंगुरको उपचार तथा खोप प्रदान गरिएको डा. विर्खराज कुलुङले जानकारी दिए ।
पशुपालक कृषकले पालेका पशुपक्षीमा देखिएका समस्या समाधान गरी उत्पादकत्व वृद्धिको उद्देश्य राखेर खर्कमै पुगेर उपचार गरिएको डा. कुलुङको भनाइ छ । प्राविधिकको टोलीले खर्कमा पुगेर आन्तरिक तथा बाह्य परजीवीविरुद्ध उपचार सेवा, बन्ध्याकरण सेवा, संक्रामक रोगको पहिचान र उपचार, खोप सेवा उपलब्ध गराएको पशुपक्षी सेवा शाखाले जनाएको छ । डा. कुलुङले भने, ‘भौगोलिक रुपमा पशुपक्षी शाखासम्म आएर सेवा लिन नसक्ने कृषकहरुलाई सहजता र कृषि उत्पादन वृद्धिका लागि अघिल्लो वर्षदेखि खर्कमै पुगेर प्राविधिक सेवा उपलब्ध गराउन सुरु गरेका हौँ । जसले कृषकहरु उत्साहत भएका छन् ।’ कतिपय कृषकले त आफ्ना पशुपक्षीलाई पहिलोपटक प्राविधिक सेवा लिएको उनले बताए । चौरीपालन हराउँदै गएको अवस्थामा ती कृषकलाई ऊर्जा थप्नका लागि पनि खर्कमा पुगेको कार्यालयले जनाएको छ ।
‘भेडीखर्कमा पनि पुगेका छौँ । बाख्रा, भैँसी, गाई, बंगुरको पनि उपचार गरेका छौँ’, डा. कुलुङले भने । अघिल्लो वर्ष पुग्न नसकिएका क्षेत्रका खर्कमा यो वर्ष पुग्ने कार्यालयको तयारी रहेको छ । क्षति न्यूनीकरणका लागि सरकारले पशुबीमा कार्यक्रम ल्याए पनि ग्रामीण भेगमा सेवा उपलब्ध नभइरहेको अवस्थामा बीमा कम्पनीसँग सहकार्य गरी प्राविधिक सेवासँगै पशुबीमा पनि सुरु गरिएको हो । सल्लेरीमा रहेको आईएमई जनरल इन्स्योरेन्स कम्पनीसँग सहकार्य गरेर मार्मेकुका ४५ वटा चौरीको बीमा समेत गरिएको डा. कुलुङले बताए ।
बीमाबारे सुनेका कृषकलाई परामर्श गरेर बीमाको काम पनि अघि बढाइएको हो । सोही अवसरमा भुस्याहा कुकुरको संख्या बढ्न थालेपछि महाकुलुङ गाउँपालिकाको पशुपक्षी शाखाले भोले पोथी कुकुरको बन्ध्याकरण समेत गरेको छ । सामाजिक दुर्घटनाको जोखिम बढेपछि बुङ क्षेत्रका भुस्याहा कुकुरको बन्ध्याकरण र रेविजविरुद्धको खोप लगाउने काम सुरु गरेको प्रमुख डा. विर्खराज कुलुङले जनाए । हालसम्म २० भाले कुकुरको क्यास्ट्रेसन र १० पोथी कुकुरको मेजर सर्जरी गरी रेबिजविरुद्धको खोप दिइएको छ । बन्ध्याकरण र खोपको काम निरन्तर लैजाने र बुङ, छेस्काम गुदेल क्षेत्रका कुकुरलाई पनि बन्ध्याकरण गर्नेछौँ’, डा. कुलुङले भने । आफूसँग बन्ध्याकरणको सीप र अधिकार भएकाले बाहिरबाट बन्ध्याकरण टोली झिकाउन नपरेको उनले बताए ।
क्याटेगोरी : बिबिध
ताजा अपडेट
- निर्यात बढाउन हरसम्भव प्रयत्न गर्ने प्रतिबद्धता
- बेलायतद्वारा जलवायु परिवर्तनका असर घटाउन गरेका प्रतिबद्धताअनुसार सहयोग हुन्छ : विशेष प्रतिनिधि क्याथे
- मोटरसाइकल दुर्घटनामा एकको मृत्यु
- यस्तो छ आजका लागि विदेशी मुद्राको विनिमय दर
- एमाले इलामको अध्यक्षमा बराल निर्वाचित
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया