लगातारको वर्षातले सोेलुका विभिन्न क्षेत्रमा पहिरो, ग्रामीण सडक अवरुद्ध

सोलुखुम्बु । लगातारको वर्षातले सोलुखुम्बुको विभिन्न क्षेत्रमा पहिरो जाने क्रम बढ्न थालेको छ । पहिरोका कारण जिल्लाका विभिन्न स्थानमा घर परिवार नै विस्थापित छन् भने अधिकांश ग्रामीण सडक प्रभावित बनेका छन् । पहिरोले केही दिनअघि सोलुदुधकुण्ड नगरपालिका ७ बारानेमा एक घर बगाएको छ भने आठ घर विस्थापित भएका छन् । यस्तै सडक भासिँदा सदरमुकामबाट जिल्लाको कोशीका क्षेत्रहरू सोताङ र महाकुलुङ गाउँपालिकातर्फको सडक जोखिम पूर्ण बनेको स्थानीय भलाकाजी कार्कीले बताए । जिल्लाको लिखुपिके गाउँपालिका दुई गोलीमा पनि पहिरोका कारण दुई घर विस्थापित बनेका छन् । निरन्तरको वर्षातले सडक खनिएको स्थानहरू चर्किँदै जाँदा पहिरोको जोखिम उच्च भएको स्थानीय भैरवकुमार बस्नेतले बताए ।

यस्तै जिल्लाको सोताङ गाउँपालिका ४ स्थित माथिल्लो रोकखोला सामुदायिक लघु जलविद्युत् आयोजनामा पहिरोले क्षति पु-याएको छ । निरन्तरको वर्षातसँगै गत सोमबार बिहान करिब सात सय मिटरमाथिबाट आएको पहिरोले विद्युत्को कुलो करिब ३० मिटर बगाएको अपरेटर हितबहादुर भुजेलले बताए । सडक सञ्जालबाट जिल्ला भित्रिने मुख्य सडक सिस्नेरी क्षेत्रमा निरन्तर ढुंगासहितको लेदो बगिरहँदा यातयात सञ्चालनमा चुनौती थपिएको चालक मानबहादुर विश्वकर्माले बताए । सो क्षेत्रमा पहिरो गइरहँदा बारम्बर सवारी सञ्चालनमा कठिनाइ बेहोर्नुपरेको यात्रु तथा चालकहरूले समेत गुनासो गरे ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Oldest

Newest Most Voted

Inline Feedbacks

View all comments