फाप्लु अस्पतालमा बिरामीको संख्या बढेको बढ्यै, तर बेड अभाव
रमन वन २०७८, भदौ २७ १२:३० 
सोलुखुम्बु । जिल्ला अस्पताल फाप्लुमा क्षमताभन्दा झण्डै तीन गुणा बढी बिरामी भर्ना भएका छन् । बिरामीको चाप अत्यधिक हुँदा १५ बेड क्षमताको अस्पतालमा ४० जना बिरामी भर्ना भएर उपचार गराइरहेको अस्पतालका सूचना अधिकारी विजयप्रकाश ठाकुरले जानकारी दिए ।
अस्पतालको क्षमताभन्दा झण्डै तीन गुणा बढी बिरामी भर्ना हुँदा व्यवस्थापनमा चुनौती सिर्जना भएको अस्पताल विकास समितिका अध्यक्ष विरकुमार राईले बताए । अस्पतालमा नियमित रूपमा मौसमी रुघाखोकी, ज्वरो, निमोनियाजस्ता समस्याका बिरामी बढ्दै जाँदा थप ३० वटा नयाँ बेड खडा गरी उपचार गराइरहेको अध्यक्ष राईले बताए । सीमित स्रोत साधनका बीच क्षमताभन्दा बढी बिरामी भर्ना हुँदा व्यवस्थापनमा चुनौती थपिएको अस्पताल विकास समितिले जनाएको छ । यस्तै सोलुखुम्बुमा पछिल्लो समय मौसमी रुघाखोकीले बालबालिकालाई बढी सताउन थालेको पाइएको छ । पछिल्लो समय दीर्घरोगी र पाँचदेखि १० वर्ष उमेरसमूहका बालबालिकाहरूमा रुघाखोकी, ज्वरो, निमोनियालगायतका समस्या लिएर बढी आउने गरेको जिल्ला अस्पताल फाप्लुले जनाएको छ ।
फाप्लु अस्पतालमा अहिले १० जना बालबालिकाहरू भर्ना भएर उपचार गरारहेको अस्पतालका सुचना अधिकारी विजयप्रकाश ठाकुरले जानकारी दिए । उनका अनुसार भर्ना भएका सबै बालबालिकाहरूमा पोष्ट कोभिडको लक्ष्यण देखिएको छ । उनीहरूमा एन्टिजेन परीक्षण गर्दा रिपोर्ट नेगेटिभ आए पनि लक्ष्यण भने कोभिडकै रहेको ठाकुरले बताए । अस्पतालमा भर्ना भएका बिरामीमध्ये २५ प्रतिशत बालबालिका रहेको अस्पतालले जनाएको छ ।
क्याटेगोरी : बिबिध
ताजा अपडेट
- एमाले लुम्बिनी प्रदेश सभा सदस्य दुर्गा चौधरी पार्टी सदस्यबाट निलम्बित
- अदालतले पक्राउ पुर्जी जारी गरेका प्रहरी (इन्स्पेक्टर) १ बर्ष देखि कार्यरत रहेको खुलासा !
- राष्ट्रिय स्वतन्त्र पार्टी (रास्वपा)को धादिङ जिल्ला भेला सम्पन्न
- ‘जलवायु सङ्कट सामना गर्न सहकार्य आवश्यक’
- कीर्तिपुरमा विकास र सुशासनका मुद्दासहित चुनाव प्रचार तीव्र
- सामाजिक सुरक्षाकोषमा निजी क्षेत्र आबद्ध हुनैपर्ने
- धुलाबारीमा अतिक्रमित संरचना हटाउँदै मेचीनगर
- २७ सय १६ बिन्दुमा उक्लियो शेयर बजार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया