जिल्ला कारागार सोलुमा क्षमताभन्दा तेब्बर कैदीबन्दी, व्यवस्थापनमा समस्या
रमन वन २०७८, भदौ ३१ ११:३५ 
सोलुखुम्बु । जिल्ला कारागार सोलुुखुम्बुुमा क्षमताभन्दा तीन गुणा बढी कैदीबन्दी हुँदा व्यवस्थापनमा समस्या भएको छ । २५ जना क्षमता रहेको कारागारमा ८९ जना कैदीबन्दी राख्नुपर्दा समस्या भएको कार्यालय प्रमुख प्रसान्तकुमार महतोले जानकारी दिए । उनका अनुसार पाँच महिला र २० पुरुष गरी २५ जनाको क्षमता रहेको कारागारमा हाल एक नाबालक र पाँच महिलासहित ८९ जना कैदीबन्दी छन् ।
कैदीबन्दी खचाखच गरी बस्दा पनि नअटेपछि केही उनीहरूलाई भान्साकोठामा बस्न तथा सुत्नुपर्ने बाध्यता रहेको कारागार प्रशासनले जनाएको छ । क्षमताभन्दा बढी कैदीबन्दी भएका कारण सुत्न र बस्न समस्या भएको कारागार प्रमुख महतोको भनाइ छ । कैदीको संख्या थपिँदै गएपछि पछिल्लो पटक विसं २०६८ मा एउटा अस्थायी कोठाको निर्माण गरिएको थियो ।
उक्त कारागारभित्र अब थप अस्थायी कोठा निर्माण गर्न खाली ठाउँ पनि नरहेकाले समस्या भएको प्रमुख महतोले बताए । यसबारेमा सम्बन्धित निकायलाई जानकारी गराइए पनि सुनुवाइ नहुँदा समस्या बढ्दै गएको कारागारले जनाएको छ । विसं २०६४ मा निर्माण गरिएको उक्त भवनमा कैदीबन्दी त्यस समयमा क्षमताअनुसारकै भए पनि दिन प्रतिदिन बन्दीको संख्या वृद्धि भएपछि समस्या भएको बताइएको छ ।
क्याटेगोरी : बिबिध
ताजा अपडेट
- एमाले लुम्बिनी प्रदेश सभा सदस्य दुर्गा चौधरी पार्टी सदस्यबाट निलम्बित
- अदालतले पक्राउ पुर्जी जारी गरेका प्रहरी (इन्स्पेक्टर) १ बर्ष देखि कार्यरत रहेको खुलासा !
- राष्ट्रिय स्वतन्त्र पार्टी (रास्वपा)को धादिङ जिल्ला भेला सम्पन्न
- ‘जलवायु सङ्कट सामना गर्न सहकार्य आवश्यक’
- कीर्तिपुरमा विकास र सुशासनका मुद्दासहित चुनाव प्रचार तीव्र
- सामाजिक सुरक्षाकोषमा निजी क्षेत्र आबद्ध हुनैपर्ने
- धुलाबारीमा अतिक्रमित संरचना हटाउँदै मेचीनगर
- २७ सय १६ बिन्दुमा उक्लियो शेयर बजार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया