सगरमाथा राष्ट्रिय निकुञ्जद्वारा एक महिनामा ३३ लाख राजस्व संकलन
रमन वन २०७८, कात्तिक ४ १०:५७ 
सोलुखुम्बु । सगरमाथा राष्ट्रिय निकुञ्जको कार्यालय नाम्चे सोलुखुम्बुले एक महिनामा ३३ लाख ६८ हजार आठ सय रुपैयाँ राजस्व संकलन गरेको छ । निकुञ्जले पर्यटक प्रवेश शुल्कबाट सो राजस्व संकलन गरेको प्रमुख संरक्षण अधिकृत भूमिराज उपाध्यायले जानकारी दिए ।
उनका अनुसार तेस्रो मुलकका पर्यटकबाट २६ लाख १३ हजार, सार्क मुलकका पर्यटकबाट छ लाख ७८ हजार र नेपालीबाट ७७ हजार आठ सय रुपैयाँ संकलन भएको छ । सगरमाथा राष्ट्रिय निकुञ्जले तेस्रो मुलुकका पर्यटकलाई प्रतिव्यक्ति तीन हजार, सार्क मुलुकका पर्यटकलाई एक हजार पाँच सय रुपैयाँ र नेपालीलाई एक सय रुपैयाँ प्रवेश शुल्क लिने गरेका छन् । खुम्बु आउने पर्यटकको सहजताका लागि काठमाडौँको भृकुटीमण्डपमै पनि राजस्व तिर्नसक्ने व्यवस्था गरेको निकुञ्जको कार्यालय नाम्चेले जनाएको छ ।
असोज महिनामा भृकुटीमण्डपबाट ४४ जना विदेशी पर्यटकले निकुञ्ज प्रवेशका लागि शुल्क तिरेको कार्यालयको तथ्यांकमा उल्लेख छ । अघिल्लो वर्षको असोजमा एक सय ४६ स्वदेशी तथा २५ विदेशी नागरिकले मात्रै निकुञ्ज क्षेत्रको भ्रमण गरेका थिए । अघिल्लो वर्ष कोरोनाका कारण ठप्प बनेको पर्यटकीय गतिविधि यस वर्षको असोज महिनादेखि विस्तारै लयमा फर्किनथालेको प्रमुख संरक्षण अधिकृत उपाध्यायले बताए ।
क्याटेगोरी : बिबिध
ताजा अपडेट
- ‘जलवायु सङ्कट सामना गर्न सहकार्य आवश्यक’
- कीर्तिपुरमा विकास र सुशासनका मुद्दासहित चुनाव प्रचार तीव्र
- सामाजिक सुरक्षाकोषमा निजी क्षेत्र आबद्ध हुनैपर्ने
- धुलाबारीमा अतिक्रमित संरचना हटाउँदै मेचीनगर
- २७ सय १६ बिन्दुमा उक्लियो शेयर बजार
- इजरायली राजदूतद्वारा बिपी सङ्ग्रहालयको निरीक्षण
- बिआरआईअन्तर्गत सरकारले ऋण नलिने: सञ्चारमन्त्री
- टाटा ग्रिन ब्याट्रीको च्यानल पार्टनर मिट
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया