सोलुखुम्बुलाई चालू आर्थिक वर्षभित्र साक्षर घोषणा गरिने
एलिना गुरुङ २०७८, माघ १९ ११:०२ 
गुरुङ । हिमाली जिल्ला सोलुखुम्बुलाई चालू आर्थिक वर्षको अन्त्यसम्ममा साक्षर जिल्ला घोषणा गरिने भएको छ । जिल्लाको साक्षर घोषणा हुन बाँकी तीनवटा पालिकालाई साक्षर घोषणा गरेर जिल्लालाई नै साक्षर घोषणा गरिने तयारी भइरहेको शिक्षा समन्वय इकाइ सोलुखुम्बुले जनाएको छ ।
आठ स्थानीय तहमध्ये छवटा पालिकालाई साक्षर घोषणा गरिसकेको छ भने खुम्बु पासाङ ल्हामु, महाकुलुङ र लिखुपिके गाउँपालिका साक्षर घोषणा हुन बाँकी रहेको एकाइ प्रमुख खगेन्द्र श्रेष्ठले बताए । उनले भने, ‘महाकुलुङ गाउँपालिकामा पुस २० गतेबाट साक्षर साक्षरताका लागि कार्यक्रम सञ्चालन भइरहेको छ भने लिखुपिकेमा पनि तयारी भइरहेको छ, यी दुईवटा पालिका साक्षर हुनेबित्तिकै हामी जिल्लालाई नै साक्षर घोषणा गर्छौँ । खुम्बु पासाङ ल्हामु गाउँपालिकाको कार्यपालिकाले साक्षर पालिका घोषणा गरिसकेको छ तर औपचारिक घोषणा हुन बाँकी छ ।’ तर विगत दुई वर्षदेखि देशका सबै जिल्लालाई साक्षर घोषणा गर्ने सरकारले लक्ष्य राखेको भए पनि कोभिडका कारण पछाडि धकेलिँदै आएको छ । उक्त लक्ष्य पूरा गर्न चालू आर्थिक वर्षमा पनि कोभिड बाधक बन्नसक्ने सम्भावना बढेको छ ।
प्रदेश नम्बर १ का १४ जिल्लामध्ये सोलुखुम्बु र ताप्लेजुङ साक्षर घोषणा हुन बाँकी रहेको शिक्षा मन्त्रालयले जनाएको छ । अन्तर्राष्ट्रिय मापदण्डअनुसार १५ देखि ६० वर्ष उमेरका ९५ प्रतिशत नागरिकहरू साधरण लेखपढ गर्नसक्ने भएपछि उक्त जिल्ला वा पालिकालाई साक्षर घोषणा गर्न सकिने व्यवस्था छ । तर सोलुखुम्बुको हकमा भने साक्षर घोषणा गरिसकेको पालिकाहरूमा समेत निरक्षरको संख्या अधिक रहेको नागरिकहरूको गुनासो छ ।
क्याटेगोरी : बिबिध
ताजा अपडेट
- चीन भ्रमणमा ऋणसम्बन्धी सम्झौता नहुने: प्रधानमन्त्री
- टेक्ससको ड्यालसमा एक सय दश जनाद्वारा रक्तदान
- १५ दशमलव ८३ बिन्दुले उक्लियो शेयर बजार
- विमान चालकको समस्या छिट्टै समाधान हुन्छ: वायुसेवा निगम
- ‘स्मार्ट सिटी हुनका लागि हिंसारहित समाज हुनु अनिवार्य छ’
- आज साँझ ५ बजे मन्त्रिपरिषद् बैठक बस्ने
- काठमाडौँमा बुधबारदेखि जनसङ्ख्या र विकाससम्बन्धी छैटौँ अन्तर्राष्ट्रिय सम्मेलन
- छोराद्वारा बुबाको हत्या
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया