लुक्ला विमानस्थलको हेलिप्याड सञ्चालनको अन्तिम तयारीमा
एलिना गुरुङ २०७८, माघ २७ १०:५४ 
सोलुखुम्बु । विश्वकै जोखिमपूर्ण विमानस्थलको सूचीमा पर्ने सोलुखुम्बुको तेन्जिङ हिल्लारी विमानस्थल लुक्लाको नयाँ हेलिप्याड एक महिनाभित्रमा सञ्चालन आउने भएको छ । विमानस्थलको धावनमार्ग नजिकै निर्माणसम्पन्न हेलिप्याड आगामी मार्च अर्थात् फागुन दोस्रो साताबाट सञ्चालन गरिने नागरिक उड्ययन प्राधिकरण लुक्लाले जनाएको छ ।
कार्यालयका प्रमुख द्वारीका अछामीका अनुसार २०७६ जेठ १ गतेबाट निर्माण सुरु भएको हेलिप्याडको भौतिक संरचना निर्माणकार्य गत मंसिरमा सकिएको थियो । तर गत पुसमा प्राधिकरणको केन्द्रीय कार्यालयबाट आएका इन्जिनियर बाबुराम पौडेल नेतृत्वको पाँच सदस्यीय वरिष्ठ सुरक्षा मूल्यांकन टोलीले केही प्राविधिक कुराहरु अपुग भएको औँल्याएको बताइएको छ । टोलीले औँल्याएका कमजोरीबारे केन्द्रीय कार्यालयले लुक्ला विमानस्थललाई पत्रचार गरेपश्चात् समस्याको समाधान गरी आगामी सिजन (मार्च)बाट हेलिप्याड सञ्चालनमा आउने विमानस्थल प्रमुख अछामीले बताए ।
कान्छाराम कन्ट्रक्सन प्रालिले प्राधिकरणको ३२ करोड रुपैयाँको लागतमा निर्माण गरेको उक्त हेलिप्याड झन्डै १२ रोपनी क्षेत्रफलमा फैलिएको छ । एकैपटक आठवटासम्म हेलिकोप्टर पार्किङ गर्न मिल्ने उक्त हेलिप्याड सञ्चालनपछि विमानस्थलमा ट्राफिक जाम हुने समस्या हट्ने नागरिक उड्डयन प्राधिकरण लुक्लाले जनाएको छ । नेपालकै व्यस्त विमानस्थलमध्येका लुक्ला विमानस्थलमा सिजनको समयमा दैनिक एक सय पटकभन्दा बढी हवाई उडान तथा अवतरण हुनेगरेको छ ।
२०७६ वैशाख १ गते लुक्ला विमानस्थलबाट रामेछाप विमानस्थल उडेको समिट एयरको जहाज धावनमार्गबाट चिप्लिएर दाहिनेतर्फ मोडिँदा धावनमार्ग नजिकै पार्किङ गरिएको हेलिकोप्टरमा ठोक्किएको थियो । उक्त दुर्घटनामा परी तीन जनाको ज्यान गएको थियो । त्यस लगत्तै प्राधिकरणले गठन गरेको छानबिन समितिले विमानस्थलको धावनमार्गनजिकै हेलिकोप्टर रोक्न नहुने निष्कर्ष निकालेको थियो । सोहीअनुसार धावनमार्गको दाहिनेतर्फ केही टाढा रहेको जमिनमा हेलिप्याड बनाउने निष्कर्षमा प्राधिकरण पुगेको बताइएको छ ।
क्याटेगोरी : बिबिध
ताजा अपडेट
- चीन भ्रमणमा ऋणसम्बन्धी सम्झौता नहुने: प्रधानमन्त्री
- टेक्ससको ड्यालसमा एक सय दश जनाद्वारा रक्तदान
- १५ दशमलव ८३ बिन्दुले उक्लियो शेयर बजार
- विमान चालकको समस्या छिट्टै समाधान हुन्छ: वायुसेवा निगम
- ‘स्मार्ट सिटी हुनका लागि हिंसारहित समाज हुनु अनिवार्य छ’
- आज साँझ ५ बजे मन्त्रिपरिषद् बैठक बस्ने
- काठमाडौँमा बुधबारदेखि जनसङ्ख्या र विकाससम्बन्धी छैटौँ अन्तर्राष्ट्रिय सम्मेलन
- छोराद्वारा बुबाको हत्या
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया