बौलाहा कुकुरको आतङ्क जिल्लामा भ्याक्सिन अभाव
सुबास बस्नेत २०७८, फागुन २५ ११:१३ 
दोलखा । जिल्लाको बैतेश्वर गाउँपालिकाको मिर्गेमा बौलाहा कुकुरको आतङ्क बढेको छ । बौलाहा कुकुरले एकैदिन तीन जनालाई टोकेको हो । सोमबार बौलाहा कुकुरले टोकेर गम्भीर घाइते भएकी बैतेश्वर गाउँपालिका–३ मिर्गेकी अनिता नेपालीको दोलखामा उपचार नभएर काठमाडौं लगिएको छ ।
यस्तै सोही वडाका अन्य दुई जनालाई पनि सोही कुकुरले टोकेको र जिल्लामा उपचार भइरहेको बताइएको छ । स्थानीयले कुकुर नियन्त्रण गर्न नसक्दा रेबिज रोगको लक्षण देखिएको सो कुकुर बौलाहा बनेर जङ्गल पसेको स्थानीय डम्बर कार्कीले बताए । आइतबार बिहान काब्रेको लप्सेमा तीन जनलाइ टोकेको सो कुकुरले सोमबार घाँसदाउरा गर्न गएकी पाइलेकी गीता कार्कीलाई जङ्गलमै टोकेको थियो । उनले जिब्रोबाट -याल निकालेर, पुच्छर झारेर हिँड्ने कुकुरले टोकेको बताइन् । कुकुरले टोकेपछि उनलाई उपचारको लागि बैतेश्वर अस्पताल लगिएको थियो । त्यस्तै सोमबार अनिता नेपालीलाई घरमै पुगेर बसिरहेको अवस्थामा दाइने खुट्टामा टोकेर गम्भीर चोट लागेको थियो । उनको उपचार जिल्लामा सम्भव नभएर काठमाडौँ लगिएको उनका श्रीमान् केदार नेपालीले जानकारी दिए ।
बैतेश्वर अस्पताल, जिरी अस्पताल र चरीकोट अस्पतालमा रेबिजविरुद्धको भ्याक्सिन पाउन नसकेको नेपालीले बताए । स्थानीय बैतेश्वर अस्पतालले जिल्लाभर खोप अभाव रहेकोे बताएपछि उपचार र भ्याक्सिनको लागि काठमाडौं पु¥याउनुपरेको उनले बताए । कुकुरलाई लप्सेबेँशीका स्थानीयले नियन्त्रण गर्न खोज्दा कुकुर भागेर जङ्गल पसेको थियो । बिहान बेलुकाको समय गाउँमा निस्केर मानिसलाई टोक्ने गरेकाले सिङ्गो गाउँका स्थानीय त्रसित बनेको उनले बताए ।
जिल्लाको मुख्य अस्पताल चरीकोट अस्पताल र जिरी अस्पतालमै रेबिजविरुद्ध दिइने रेबिजको भ्याक्सिन अभाव भएको कुकुरको आक्रमण परेकी गीता कार्कीले पनि बताइन् । जिरी अस्पतालका सुपरिटेन्डेन्ट डाक्टर देबेन्द्र गौतमले पनि जिरी अस्पतालमा रेबिजविरुद्धको भ्याक्सिन अभाव रहेको बताए । अस्पतालमा केही दिनभित्र भ्याक्सिन उपलब्ध हुने उनको भनाइ छ ।
क्याटेगोरी : बिबिध
ताजा अपडेट
- चीन भ्रमणमा ऋणसम्बन्धी सम्झौता नहुने: प्रधानमन्त्री
- टेक्ससको ड्यालसमा एक सय दश जनाद्वारा रक्तदान
- १५ दशमलव ८३ बिन्दुले उक्लियो शेयर बजार
- विमान चालकको समस्या छिट्टै समाधान हुन्छ: वायुसेवा निगम
- ‘स्मार्ट सिटी हुनका लागि हिंसारहित समाज हुनु अनिवार्य छ’
- आज साँझ ५ बजे मन्त्रिपरिषद् बैठक बस्ने
- काठमाडौँमा बुधबारदेखि जनसङ्ख्या र विकाससम्बन्धी छैटौँ अन्तर्राष्ट्रिय सम्मेलन
- छोराद्वारा बुबाको हत्या
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया